[روبيكا]

المشاركة الأصلية كتبت بواسطة leena.a

أول شي الحمدلله على سلامتك
بالنسبة للولادة المبكرة .. هادا قضاء و قدر يابنت الحلال .. قولي الحمدلله و اللهم لا اعتراض
لا تضايقي نفسك عشان ولدتي بدري .. الحمدلله صحتك طيبة و بخير
أما بالنسبة لجنس الجنين .. فــ اسمحيلي اسألك ولدتي طبيعي وللا قيصري ؟؟
لو قيصري .. بنج كامل وللا نص ؟؟
يعني كنتي صاحية و واعية وقت الولادة ؟؟
أول ما نزل البيبي قالولك ولد ؟؟
أحد كان معاكي زوجك أو أهلك .. وقت الولادة ؟؟
يعني اللي أقصده من اسألتي .. أحد شهد و انتبه و اتأكد وقت خروج الطفل .. إنه ولد ؟؟
وللا كنتي نايمة و صحيتي قالولك جبتي ولد ؟؟

أنصحك في حال انك ما اتأكدي بنفسك أو أحد انتبه انه ولد .. تبلغي زوجك يتصرف !!

ما تحسي انه شوية فيه شبه منك أو من أبوه أو من أحد أقاربكم ؟؟
صحيح الأطفال في دا العمر مالهم ملامح .. لكن يبين الدم شوية

الله يريح قلبك و يطمن قلبك
بالله عليكي طمنيني و جاوبني .. شلت همك
بإذن الله مااااافي إلا الخير

تسسسلمي والله على ردك ودعائك ريحني كتير
انا ولدت طبيعي اعطوني طلق صناعي لان الرحم اساسا كان مفتوح عندي ونزل مني مويه فقالوا خطير وولدوني بطلق صناعي
وزوجي كان هناك بس مادخل الغرفه وانا كنت صاحيه وفي كامل وعيي بس من التعب وهي تقولي جاك ولد انتبهت بس ماتأكدت لاني مرة تعبت وبسرعه ودوه الشيشه
والحين انا انام معاه في المستشفى لان خديج مايطلعوه برا الشيشه وانام معاه عشان ارضعه بس اول ماتخلص الاجازة اتوقع خلاص مابقدر ارضعه لان صعب اتنوم في المستشفى لين يطلعوه
ما ادري احيانا اقول اكيد هذا ولدي بس ما اقدر اكذب عيوني وانا اشوف العضو
شكلي بقول لزوجي وبشوف وش يقول
واذا على الشبه انا فاشله بالشبه حتى لو كبر الطفل فما بالك وهو صغير
اكيد هذا ولدي بس مدري ليش متضايقه واحاتي الموضوع
ومشكوووووره اختي ولا تنسيني من الدعاء