[مامي نور]

السلام عليكم ورحمة الله وبركاته

بنات من زمان وأنا بحدث نفسي حط هالموضوع

لأن في منفعة كبيرة للغير

الموضوع مبين من العنوان

لو كنتي ما تحملي وتأخر حملك وبعدين حملتي خبرينا شو عملتي لحتى حملتي

أو شو كانت المشكلة

أو الأدعية اللي واضبتي عليها

أو طريقة تغيير نمط الأكل أو الحركة

خبرينا نفيد ونستفيد

أنا عن نفسي ما حملت لبعد 7 أشهر من زواجي والمشكلة كانت عندي إلتهابات بسيطة

رحت أول شي عند دكتورة من أنا وبالشهر التالت من زواجي قالتلي إلتهابات وعطتني دوا

بس الأدوية الظاهر ما ناسبتني ما عطت مفعول لبعد كمان أربع أشهر لحتى غيرت الدكتورة

عطتني أدوية تانية وعالجتلي الإلتهابات والحمدلله بنفس الشهر طلعت حامل

بس أكيد قبل لزمت الإستغفار أكتر من 700 مرة بالنهار

لأن الله عزوجل قال لسيدنا نوح ليخبر قومه : قلت استغفروا ربكم إنه كان غفّارا يرسل السماء عليكم مدرارا ويمددكم بأموال وبينين ويجعل لكم جنات ويجعل لكم أنهارا .

وكمان عملت شي تاني وهو المشي يوميا ساعة ونص مشان تنشيط الدورة الدموية وخصوصي أيام الإباضة .

بالإضافة إلى قيام الليل والدعاء والتضرّع .

والحمدلله بعدها ربي ما حرمني .

حبيت خبركن وكمان نفسي كل وحدة تأخر الحمل عليها وحملت تخبرنا شو عملت .