السلام عليكم ورحمة الله وبركاته
اولا : العناية بالشعر :
- غسيل الشعر :
عند غسيل الشعر مايصلح تستخدمين الشامبو على طول لازم تخففينه بشوية مويه وتجنبي دخول الشامبو للعينين ، اذا كانت البنت كبيرهـ شوي وشعرها طويل تقدرين تستخدمين لها بلسم للشعر بس انتبهي ماتحطينه على فروة الرأس ، وحلو انكـ تعلمينها شلون تغسل شعرها بنفسها .
- تمشيط الشعر :
شجعي اطفالك على تمشيط شعورهم بأ نفسهم ويكون لهم فرشة ومشط خاص فيهم ، ونتجنب تمشيط الشعر وهو مبلول ، نحاول نمشطه وهو رطب ونستخدم مشط ونبتعد عن الفرشاة وهذه الطريقة تساعد على لمعان الشعر ، وتقلل من تكسر الشعر .
- تشابك الشعر :
اذا كان الشعر متشابك حاولي تفككينه قبل الشاور ، استخدمي مشط اسنانهـ واسعهـ وابدأي من الاسفل الى الاعلى ، وكثير يشتكون من صياح وعصبية اطفالهم وقت التمشيط ، وعشان تقللين من هالمشكلة شوفي اذا كان الشعر معقد حاولي تفتحين العقد بعدين كملي التمشيط .
اكسسوارات الشعر :
استخدمي امشاط وفرش واكسسوارات ذات نوعية جيده ، البنوتات يحبون يكون عندهم ربطات وكليبسات وشرايط واطواق وفيونكات الوانها فرايحيه وجذابه، ولاتستخدمين لهم كليبسات اسنانها حادهـ لانها ممكن تؤذي فروة الراس وتتلف الشعر ، وعموما المحافظة على شعر بنوتك مربوط بشكل حلو ومرتب راح يجنبك كثير من مشاكل الشعر اثناء التسريح تقدرين تمشطينه بسهوله وتفتحينه بسهولة .
كلما كبروا اطفالكـ كلما كانت لهم تسريحات شعر معينه يفضلونها على غيرها وهالشيء طبيعي ، فإذا علمتيهم كيف يحافظون على شعرهم من وهم صغار ، راح يكون هالشيء وجهتهم نحو شعر صحي طول حياتهم ..
بعض النصائح تتعلق بـ قص الشعر عند الصالونات ::
لازالت زيارة الصالون تعتبر مشكله كبيرهـ لبعض الاطفال ، لأن كثير من الاطفال يخافون من قص الشعر وعشان نخلي قص الشعر وزيارة الصالون تجربه ايجابية لهم نتبع الاتي :
- احرصي ان الصالون يكون مجهز بمكان خاص للاطفال ممكن يخلي قص الشعر متعهـ بالنسبة للطفل ، تصاميمه جذابه من ناحية الديكور ، الالعاب ، الفيديو و اشكال الكراسي ..
- واذا طفلك ماقدر يتجاوب مع اجواء ا لصالونات ولازال يشعر بالخوف ، مالك الا تقصين شعرهـ في البيت سواء انتي او تجيبين كوافير لبيتكـ ، لان بعض الاطفال يرتاحون اكثر في البيئة الخاصة فيهم..
ثآنيآ : قصات و ستايلات الشعر :
الشعر القصير ..
الشعر المتوسط الطول..
الشعر الطويل :
