جورى حبيبتى مش عارفة اشكرك ازاى
انتى فسرتيلى احلامى وفعلا تحققت مثل مافسرتيها انا ولله الحمد حامل
ربنا يجعله فى ميزان حسناتك يارب ويرزقك عن قريب بكل اللى تتمنيه
ربنا يسعدك زى مابتسعدينا ببشايرك لينا
والله قسما بالله لما عرفت خبر حملى دعيتلك من كل قلبى
يارب دعوتى ليكى تكون من نصيبك باذن الله
ودعواتك ليا بثبات حملى ده رابع حمل ليا بعد 3 اجهاضات
وفى 3 احلام حبيت استشيرك فيهم
اول حلم بعد اخر دورة باسبوع
حلمت ان انا فى شقة غير شقتى بس فى الحلم كانت شقتى
وكانت بنت خالتى بتفرشهالى وفرشتها فرش جميل جدا
وبقيت الشقة واسعة جدا جدا وحطيتلى بونبونيرات كريستال كتيرة اوى
وكانت بتلمع اوى وبتعكس الضوء وانا كنت مبهورة بيها
فبسالها مين جابلى الكريستالات ديه قالتلى انا جبتهالك
قلتلها ليه تعبتى نفسك وحضنتها من كتر فرحتى بالكريستالات
وكان البيت كله مزوق بالزهور والتابلوهات وكنت مبهورة بالبيت
وخلص الحلم
تانى حلم قبل معرفتى بالحمل بيومين
حلمت انى رحت للسوبر ماركت
وقلت لصاحب السوبر ماركت عاوزة حاجة مش فاكرة اسمها بس هى بيضا
وطعمها حلو فالراجل مفهش انا عاوزة ايه
فبصيت على البترينة عنده ولقيتها وشاورتله عليها بقوله هى البيضا دى
قالى ايوة انتى عاوزة نوجا قلتله ايوة هى دى وادانى اكتر من واحدة بس
مش فاكرة العدد واخدتهم ومشيت وانا فرحانة بيهم
تالت حلم
حلمت باخت زوجى ((متزوجة من شهرين))
كانت بتقولى انا عاوزة اشترى انتريه جديد
واحطه فى الحتة الفاضة ديه وشاورت على مكان فى شقتها
فانا قلتلها اه اشترى انتريه جديد وكمان غيرى الستارة المقطعة دى
قالتلى مش مهم الستارة
وخلص الحلم
للعلم انا واخت زوجى موعد دورتنا فى نفس اليوم
ومجتش لينا احنا الاتنين
انا حللت وطلعت حامل وهى حللت قالولها حمل ضعيف مش باين
تعالى بعد اسبوع
معلش ياحبيبتى طولت عليكى
بس ياريت تقوليلى هل الاحلام اللى فاتت بتدل على جنس الجنين