تعوذي من الشيطان اخت سلمى
انا اول ماقريت العنوان لموضوعك توقعت ان زوجك لاسمح الله مدمن مخدرات ,, او يمد يده عليك ,, او خاين وراعي علاقات
لكن انصدمت يوم قلتي انه ملتزم دينيا ,, وكل مشكلته ان يشد عليك في ناحية اللبس والطلعات
ياشيخة احمدي ربك وربي انتي في نعمة مو حاستها ,, اولا زوجك ملتزم بدين الله ويخاف ربه يعني مافي يوم راح يظلمك او ياكل لك حق او يخونك ويقرب للحرام ,, ثانياً اذا زوجك يشد عليك بالعباية واللبس هذا يدل انه يحبك ويغار عليك ويخاف احد يمسك بكلمه
وتبين الصراحة اغلب حالات الطلاق اللي اعرفها وكان سببها العباية واللبس والتشديد الديني كل اللي تطلقوا ندموا قد شعر راسهم ,, لان اسبابهم كانت سخيفة بنظر المجتمع والناس يوم تعرف ان الوحدة تطلقت لانها تبي تلبس براحتها وتطلع براحتها يتوقعون انها بنت فلتانه واعوذ بالله مايرحموها ويتكلموا في عرضها
يعني تاكدي الكل بيوقف بصف الرجال وبتطلعي انتي الغلطانة , لان الزوج من حقه يخاف على بيته
....
انا اتوقع انك صغيره بالعمر وكنتي مدللة في بيت اهلك من كلامك حسيت انك انسانة ماتعودتي تتنازلي , وفي الغالب كنتي ماخذه راحتك وتسوي اللي براسك
,,
انا وربي اعتبرك مثل اختي وبنصحك نصيحة لوجه الله لاتهدمي بيتك ,, مهما عشتي معززة ببيت اهلك يضل اسمه بيت اهلك مو بيتك انتي ,,
وراح تبقي تابعة لامك وابوك مو حرة نفسك وصاحبة كيان زي ماهو حالك في بيتك مع زوجك وعيالك
وانتي المفروض تتعلمي تحبي زوجك ,, جربي ترضيه وتدلليه , الرجال مهما سوو فيها غضنفرات يبقوا اطفال كبار
سمعيه كلام حلو , واذا ناداك ردي يالبيه ياحياتي
واذا قال البسي كذا قولي من عيوني ياعمري
واذا صاح بوجهك تدللي وقولي ليش تنفخ فيني يابعد روحي
وشوفي اشلون يتغير ويصير بيدك مثل العجين
اتمنى ماتخلي اللبس والطلعات والامور التافهة تخرب حياتك وتهدم سعادتك اللي بيدك انتي بس تبنيها