[just baby]

السلام عليكم ورحمه الله وبركاته
كيفكم يا قمرات
يارب تكونو بخير ان شاء الله
انا حبيت انقل ليكم تجربتي مع الاشعه الرباعيه في مستشفي الاطباء المتحدون
اول حاجه انا حامل في الاسبوع 29 يعني الشهر السابع الحمد لله
وبتابع في الاطباء المتحدون عند دكتوره ريم محلي
دكتوره ما شاء الله عليها كتير حبوبه وطيبه
من فتره تقريبا وانا عاوزه اعمل اشعه رباعيه علشان اعرف نوع البيبي
لان كل مره بعمل فيها سونار يا البيبي قافل رجليه يا مش باين اد كده واخره مره الدكتوره قالتلي بنسبه 90% بنوته بس مش اكيد
المهم
يوم الخميس اللي فات كان عندي موعد فا سألت دكتورتي عن الاشعه وعرفتها اني عاوزه اعملها وسألتها علي التأمين ولا لا
قالت لا
بس تقريبا علشان انا بتابع هناك او علشان دكتورتي اللي كاتبه اني اعمل الاشعه دي فا هدفع 220 ريال
المهم قولتلها مش مشكله وفعلا كتبت الورقه ورحت دفعت الفلوس بس انا دفعت 270
220 الاشعه الرباعيه
و50 الاشعه الثلاثيه ودي لانها علي التأمين
وامس رحت علشان اعمل الاشعه
اول حاجه اللي عملتلي الاشعه دكتوره وانا طلبت كده
وكانت الدكتوره طيبه اوووي بس مش عارفه اسمها ايه
وقعدت تشرحلي وضع البيبي

نيجي بقي لما شغلت الاشعه الرباعيه بجد يا بنات قمه في الروعه
واضح كل حاجه
ملامح بنتي باينه اووي بس حبيبه قلبي كانت نايمه وحاطه صابعها في فمها
وشوفت جسمها وايديها ورجلها والدكتوره قعدت تشرحلي كل حاجه
وفي الاخر اخد سي دي
فيه فيديو للسونار
فعلا تجربه جميله جداااااااااااااااااا
اتمني انكم تجربوها
وانتي و زوجك هتحسو احساس جميل اووي
انا زوجي كان واقف مبتسم اووووي وفي حاله زهول
بيقولي بقي العسل دي بنتي ههههههههههههههههههه
اتجنن الراجل

وادي صوره لبنتي عملتلها برنت سكرين علشان تشوفو بتكون واضحه ازاي



عموما انا حبيت انقل ليكم التجربه وبتمني انكم مش تفوتهوها ابدا لانها بتكون ذكري حلوه اووي ليكي و لزوجك وللبيبي
واي استفسار انا في الخدمه