الــسلام عـليـكم
يبت لكم ديزاين حق الاظافر وايد سهل و غريب []
وان شاء الله يعجبكم وتشجعوني و احطلكم احلى منه
اضغطي هنا لمشاهدة الصورة بحجمها الأصلي
من جم يوم شفت فيديو حق وحده تسوي هالفكره وتنقل الكلام الي على الجريده على اظافرها
بس اهيا مستخدمه كحول 70 % جان يحوشني احباط [من وين اييب كحول احنا ماكو عندنا
واذا في يكون نسبه قليله ومضاف حق مليون ماده فا فكرت قلت اجرب الماي وجربت وفشلت التجربه [
ودش بخاطري الديزاين لانه انا هوايتي الثانيه اشخبط على اظافري وكل شي اسويه شلووووون يصعب علي هذا
جان افكر وافكر وافكر واشوف العطور الي عندي والسبريهات و ادور كحول جاااااااااااان اطيح على الماده موجوده بالاسكينول [ وارررررررركض اسوي وضبط معاي
عاد قلت لازم اقولكم شلوووون بالتفصيل الممل << الله يعينكم
الأدوات المطلوبه :
1- صبغ ( شفاف - ابيض او اي لون فاتح عشان يبين عليه )
2- اسكينول - علبه او اي شي تحطون فيه الاسكينول
3- اعواد قطن
4- جريده ( نقص منها مقالات ويكون الخط صغير والفراغ بين كل سطر مو وايد )
الخطوات :
1- نحط بيس كوت وننطره ينشف 100% لازم ينشف مره وحده
2- نصبغ باللون الابيض اذا تبون نفس الجريده لول او كيفكم اي لون فاتح ثاني اول شي حطو طبقه خفيفه ونطروها تنشف 100% لازم اكرر ينشف مره وحده عشان بعدين لمه تحطون عليه الجريده ماتلزق اوكي حطو طبقه ثانيه وحاولو مايصير كتل بالصبغ لانه راح يأذيكم خلو كثر ماتقدرون سووفت ناعم حده ... الي تبي ينشف بسرعه تييب ماي في ثلج وتحط اظافرها
3- لمه ينشف 100% وتتأكدون انه ناشف مره وحده تيبون الاسكينول وتحطون كميه شويه بالعلبه وتيبون الجريده الي قاصينها وتغطونها بالاسكينول لمده 15 ثانيه
4- تحطون الجريده على اظفركم ويكون صوب الكلام تحت وتضغطون وانتو ثابتين حاولو ماتتحرك ايدكم عشان ماتصير الطبعه مهزوزه و مو واضحه وتثبتون 20 ثانيه
5 - تشيلون الجريده ويطلع معاكم الكلام ويكون في طباعه طالعه بره تمسحونها بأعواد القطن وبعدين وتحطون عليه صبغ شفاف عشان يحميه الطبعه انها ماتروح
وبالنهايه يطلع معاكم جذي
اضغطي هنا لمشاهدة الصورة بحجمها الأصلي
وهذا لون ثاني
وتقدرون تستخدمون جريده بالانجليش حلو او اي لغه ثانيه
بس تكون جريده ناشفه يطلع الحبر منها
وبس سلاااااااااامتكم
منقول للامانه