[rose]

المشاركة الأصلية كتبت بواسطة xrano0x

هل تدخين الفتاة تمرد على العادات والتقاليد؟

اعتدنا ع الجنس الذكري اي الشاااب ان يدخن ولها حرية الاختيار يعني اذا اكتشفنا انو الولد بيدخن بنزعل عليه شوي ونهزؤو مرررا وبعد كدا يسير الامر طبيعي ويدخن قدامنا ومأن شيء لم يحصل ف بهيك بنخرج الشاب عن الغادات والتقاليد ونسميها لها حرية شخصيه فهو عارف مصلحتو اكتر
امما للجنس الانثوي يعني البنت اوولالاااااه كارثه وقد حلت بنا مصيبه وفضيحه وتخلي عن اهلها وعاداتها ودينها كيف بنت تدخن ؟؟ وهاتيك كلام جارح منعها من كل شي توصل لحتى الجوال واحيانا والاغلب توصل للضرب ؟؟؟؟؟؟؟
طيب ممكن سا اباااء يا امهات تفهموني بناااء ع اي شي سويتو هالشي او ع اي دليل قرأني او سني من الاحدايث اتخذتو قرااركم بأن الشاب حريه شخصيه ( حلال ) والبنت عصيان وتمرد وخروج عن طاعة الله وولي امرها ( حرااام )
يعني بالمختصر المحكوم الشاب حلال والبنت حرام وديننا منصف مافرق بين الحلال والحرام ان. الرجل الحلال والبنت حرام حتى لو جبنا قضيه اكبر الزنا والعياذ بالله
البنت تقتل والولد يقولون مايعيبه شي ويزوجوه ست الستات وتبتلش في خيانتو
من جد ؟؟؟؟؟؟؟؟؟؟؟؟؟؟؟؟؟؟؟؟ !!!!!!!!!!

ام انها منافسة بينهم وبين الرجال؟

بنظري مافي شي اسمو منافسه هالشي اساسا حرااام وعادة سيئه وغير صحيه مضره للشاب والشابه وليس فيها منافسه بل هيا ادماااان ..

هل تتخذين لك صديقة مدخنة؟

عاااادي جدا متل ما بابا مدخن واحبو واحترمو صحبتي نفس الشي انصحها وادعيلها
ولا دخان او معسل ممكن يطلعنا فوق او ينزلنا تحت العلاقه مستحيل تتغير
ولو بتتغير تتغير ع كل انسان مدخن بحياتي رجل كان او امرأه

هل تتخلين عنها بعد صداقة طويلة لو اكتشفتي تدخينا فجأة؟

نوووييييه انا الصداقه عندي ليست على رجل طير في قضايا اكبر من كدا بتحصل
ووممكن اني اتسامح معها احاول اسايرها واوقف بجانبها وهي بالنسبه للتدخين اكبر بكتير ف مابالك بتدخييين ؟؟؟

هل تعتبر هذه الفئة من المجتمع فاسدة ام انها فئة فيها الخير ولكن لهم انماط خاطئة؟

اكييييد وكل التأكيييد فئه فيها الخير والبركه يعني المسأله طالما ما وصلت حشيش ومخدرات ووسكي ف انا اشوف مازال الاصل الطيب موجود والاخلاق الكريمه توصف هالشخص ولكن دعواتنا لهم بالصلاح والابعاد عنه هادا كل ما يمكنني تقديمه لهم ..

واحب ابشررركم ليا تقريبا 4 شهووور ما عسلت والحمدلله وانا اساسا ما اعسل الا بالشهر مرتين ادا مو مررا كمان واستخدمت دخان الكتروني من امريكا ب 370 دولار خفيف ويساعد ع انو تتركي التدخين او المعسل
وانا ما يخربني الا روحت الشلال ادا شميت الريحه انصقع بس لاني انشغلت ما عاد روحتها والحمدلله 4 شهور طيبه بس احسىفيني شووق لها الله يكفيني شرها
وطبعا زوجي ابددا مايدري لانو بيذبحني لانو من الناس اللي تفكر انو حلال ع الرجال وحرام ع الحرمه وهو يخاف عليها انا عارفا لانو كارره نفسو لانو يشيش وجابها البيت ويوم شافني ماني مزبوطه بيني وبينكم هوا بس يطلع انا اشب جمري واستكن
قام شالها كللش وسار يخفف منهاهوا لنفسو بررا والله المستعان ..

لا تاخذو فكرره سيئه عني بس والله بطلت الحمدلله ..


شكرا روووز موضوع حلو واسفه ع الاطاله *

ههههههههههههههههه يارنو اعجبتني صراحتك المطللللللللقة بجد انسانة واضحة وصريحة استمرري دام اربع شهور واذا لما تروحي الشلال على قولتك ترجعي\طيب انا اقولك روحي لمطاعم كللش روحي ايكيا انا دايما هناك وابو يعقوب افسحه واتابع ايكيا اول باول واكل ايسس كريم منها تغيري جو ومنها مافيها معسلات
بصراحة عيب جدة ان اغلب الاماكن فيها معسلات يعني حتى اللي زيك يارنو بتقولل توبة ممكن تضعف