مرحبا للجميع
بالنسبة لي لما نزلت جدة كان فيه محلات كثير حلوة للمفارش والأسرة ...
طبعا أنا بأشتري من بوتري بارن إذا ربي وفق مررررررة حلوة صح غالي بالحيل بس شي جميل وبيجلس لسن العشر سنوات تقريبا وذوق ودلع وماركة يعني لك وللزمن ... اللهم غيري بالمفارش والإكسسوارت
المحلات بالترتيب اللي شفتهم وراح أبدأ بالأرخص ثم الأغلى ...
ايكيا ... أسعار حلوة وألوان وأشكال وأتوقع ممتازة ما جرتها
مذركير ... حاليا عروضه حلوة وكمان أشكاله ...
سنتربوينت ... أنا شايفة خامتة قوية بس ما أدري عن جودتة ... وكمان سعره لا بأس به
بريما ما ... مررررررررررة حلوة ومفارشة روعة وله كتالوج بالنت جدا رائع ..
بوتري بارن ... خقق وربي أعجبني وأعجبتني طريقة العرض والدلع والمساحات والأفكار بجد رائع
باباز آند ماماز ... الماركة أيطالي بس غالي وحاسة نفس الشكل يعني ما فيه أكثر من فكرة .. بس غالي جدا
هذي المحلات اللي مريتهم ...
طبعا اللي ميزانيتها متوسطة أو قليلة تشتري من ( ايكيا - مذركير - سنتربوينت ) أفضل حل
وطبعا أنا ميزانيتي متوسطة بس راح أجمع الثلاث الأشهر حتى أجمع قيمة السرير والمفرش من بوتري بارن ... لأنه داخل مزاجي مرة
اللي ميزانيتها عالية تشتري ( بوتري بارن - بريما ما - باباز آند ماماز)
بالنسبة لي الأثاث من بوتري بإذن الله مع إني زوجي متخوف من السعر ولكن مع الإصرار سأحصل على ما أريد ... طبعا أسعاره من 6000 وفوق ... بس شيء خقق دلع فخامة وبصراحة هالبنوته عندي تسوى عمري كله وهي بعد ما جات إجل إذا جات ... ربي يتمم عليها الخلق والخُلق .. من غير زيادة ولا نقصان ..
والمفارش والله اللي أشوف إنها حلوة وكاملة ودلع سواء ولد ولا بنت ... بوتري وبريماما .. وألوان كثيره
وربي يتمم على الجميع السعادة والقرب من الله