شوفي عن تجربه 3 مرات حج لي وامي واهلي
من افضل الحملات
امي في حمله الفرقان وتمدحها كثير كثير بس سعرها غالي شوي
خبري فيها قبل 4 سنوات بـ 5000 الحين مدري
بس امي مره انبسطت وارتاحت فيها
انا واخواتي في حمله الهاشم
الوحده بـ 4000
الحمله نظيفه ومرتبه وكل شي فيها جاهز
ومريحه ومره ارتحنا يعني فلوسك ماراحت على الفاضي
________________________
بالنسبه للمستلزمات
عبايه كتف واسعه مو راس
لان الراس بتتعبك وبتهلكك وبتشغلك ومع الزحمه
بتطيح عليك بالثانيه والدقيقه
خذي لك كميه من الملابس اللي تريحك
عشان مع الزحمه والحر تضطرين تغيرين كل شوي
شوز رياضي عشان المشي راح تكون المسافات طويله
وماتتعبين اضافه الا ان اغلب الشباشب مع الزحمه تزلق بالغلط ومايمديك تاخذيها
فتضطري تكملي مشوارك حافيه ^_^
شنطه صغيره ومريحه لـ أغراضك الشخصيه
لاتجهدين نفسك وتاخذين وحده كبيره بينكسر كتفك
وبس تقريبا هاذي اهم الاشياء اللي بتحتاجينها
____________________________
الحج مو متعب بالمره مثل اول
كل سنه يتطور عن السنه اللي قبله تنظيم ومافي زحمه قاتله
يعني تمشين براحه
اذا احتجتي احد مايقصرون معك العسكر
الجمرات منظمه ومافي اي تعب او مجهود وقت الرمي
يعني الحمدلله الحج تيسر
_______________________
ملاحظه : بالنسبه للدوره في حبوب ناسيه اسمها
تجي بعلبه صغيره
اخذتها اختي وامي بإستشاره طبيه
تؤخذ قبل الحج بـ 10 ايام
اصلا مو حلوه تروحين الحج وانتي ماعليك صلاه تفقدين متعه الحج
_____________________________
وحج مبروور مقدما