السلام عليكم ورحمه الله وبركاته
بخبركم قصتي
في يوم الثلاثاء صحيت من النوم الا والمويه نازله معي ترددت كثير اني اروح المستشفى لان بدون الم وفي الاخير توكلت على ربي ورحت
سوو لي تخطيط وكشفوا عليي وطلع الرحم مقفول
قالوا بيخلوني ساعتين تحت الملاحظه وبيشوفوا وش يصير
وخلوني امشي في الممرات
وعادو سوو لي كشفيه بس كشفيه لكيس الجنين عشان يتأكدوا انه المويه موي الجنين
وطلع انه الكيس مفتوح والمويه قاعده تنزل وبدون الم والرحم مسكر انا استغربت
قالوا لي خلاص تنويم بطلق صناعي <<انا هنا بكيت خايفه من الطلق الصناعي
ودوني غرفه الطلق الصناعي وقبل ما تعطيني الابره كشفت عليي وطلع فاتح 2 سم فرحت كثيييييير قالت ما في داعي للطلق بدأ الطلق يجيش
وتدكرت آخر موعد عندي قالوا لي ان الراس فوق وخبرناها
وسوت لي السونار وللأسف لقته باقي فوق انا هنا تأزمت وخفت على جنيني
استدعت دكتوره ثانيه وشافت نفس الشي واستدعوا الدكتور ولقى كمان نفس الشي
انا هنا خلااااص انهرت حدي
سوت لي تمارين البطن الي تقلب الجنين وما قلب <مصر يبقى فوق
قالوا خلاااص مافي غير العمليه لان الرحم بدأ ينفتح عندش واحتمال كبير انه ينولد من رجايله
مافي غير العمليه
ودخلوني غرفه العمليات وولدت الحمد الله
وشرف علاااوي لحياتنا اني وابوه
وبعد ما كنا اثنين صرنا ثلاثه بفضل رب العالمين