اهلين حبيبتي
انا نفسس وضعك وحاسه فيك انا بقولك تجربتي كلها لانه احس نفس اللي انتي قلتيه
انا كنت احس باعراض الحمل بالشهر اللي حملت فيه وكنت حاسه اني حامل
بعد مافات موعد الدوره جلست 10 ايام يعني 40 يوم من دورتي الاخيره ورحت للدكتوره وحللت دم طلع Weak positive قالت لي حمل ضعيف قالت ياانه تلقيحك صار متاخر تقول لانه 40 يوم من الدوره يبين واضح اذا فيه حمل او انه حملك ضعيف وراح يسقط انا اعطتني امل بالخيار الاول
المهم قلت لا ان شاء الله انو الخيار الاول قالت ان شاء الله رجعت البيت عاادي جلست يمكن 3 او 4 ايام وبعدين حصل جماع وبعد الجماع رحت الحمام وانتي بكرامه لقيت دم بس خفيف اتفجعت لانه مو معقوله دم وانا حامل قلت لزوجي وديني المستشفى قال شوي استني وجلست هذا الكلام العصر وجلست لين الليل ولساته الدم ينزل بس خفيف واحمر المهم دقيت عزوجي قلت وديني المستشفى رحت للطواري لانه اخر الليل ودكتورتي اللي بالمستشفى الخاص مقفل رحت قالو لي هذا انذاار بالاجهاض الزمي الرااحه التااامه وجماع ماااافيه وانسدحي ع ظهرك واعطوني مثبت ورجعت البيت وكان بكره عندي امتحان بالكليه ولازم اروح مع اني والله تسطحت ع ظهري بالبيت بس رحت للكليه اختبرت وجيت عطول ولسااته مستمرر الدم رحت لدكتورتي اليوم الثاني قالت حبيبتي مو انا قلت هذا اجهاض وانتي عشان دوبك بالشهر الاول بس حلقة جنين مو كيس ومدري ايش يعني لسا ببدايته حلقة جنين والحمد لله انه دوبه عشان كذا اتفتت ع شكل دم وانتي الحين الدم اللي بينزل هذا الجنين تفتت لانه صغير لساته
تقول ومين اعطاكي المثبت تقول غلطان كيف يقولك انه انذار بالتسقيط تقول هذا تسقيط فعلا تقول والمثبت اللي انتي اخذتيه بيأخر نزول الجنين والدم انتظري واذا خللللص الدم ووقف تمام تعالي لي نشوف الرحم واعطيكي حبوب تنظيف لان مايحتاج عملية تنظيف لانه دووبه صغير وفعلا لما وقف الدم رحت لها واعطتني حبوب تنظيف وكشفت ع الرحم بالسونار وقالت وضعك تماااااام والرحم قفل ورجع مكانه
وسلامتك انا بس حبيت افيدك بتجربتي عشان اذا صار معاكي نفس الشي تعرفي يالغلا
وانتي الززمي الراااااااحه التامه واللي كاتبه ربي بيجي واذا نزل منك دم استعوضي الله وروحي للدكتوور ع طول
وان شاء الله ربي يثبت حملك يارب ويتمم لك ع خير
وقالت لي السبب انو الجنين مشووه وفيه نقص بعدد الكروموسومات ومن رحمة ربي ينزل الجنين من البدايه
تقول انا مو قلت لك اول ماحللتي بأنه حمل ضعيف واحتمال يسقط
حبيبتي اذا قالت لك نفس الشي انه الجنين مشوه احمدي ربك
ربك رحيم رحمك من بدايتها واكيد بيعوضك يالغاليه
وان شاء الله يكون وضعك مو زي وضعي ويثبت حملك ويكون صحيح وسليم ويتمم لك ع خير وطمنينا وبشرينا
بس حطي الموضوع ببالك اخاف تنصدمين بعدين حبيبتي وتفائلي