[ريح المسك]

هلا يالغلا
وعليكم السلام ورحمة الله وبركاته
مساك ربي بالرضاء والايمان
قال رسول الله صلى الله عليه وسلم : (من كانت الآخرة همه جعل الله غناه في قلبه وجمع له شمله وأتته الدنيا وهي راغمة, ومن كانت الدنيا همه جعل الله فقره بين عينيه وفرق عليه شمله ولم يأته من الدنيا إلا ما قدر له).

أختي خذيها نصيحه مني : لا تخلين أكبر همك الاطفال والله راح تتعبين
انا جلست سنه ونص ابغى احمل , بس ربي ما كتب ومع الايام خلاص اتعودت وقلت خير لي, وفي رمضان هذي السنه كنت ادعي ما تجيني الدورة مو عشان أحمل لا ,بس عشان ابغى أصلي وأصوم الشهر كله وأختم المصحف أكثر من مرة وأقوم الليل , لأن رمضان له حلاوه الايمان ما حبيت إنها تنقطع
وجاء موعد الدورة ومانزلت ورحت حللت وطلعت حامل وانا مستغربه كيف صار الحمل ومو مصدقه لأني كنت ناسيه الحمل ومطنشته ولا حطيته ببالي , وشوفي ماكمل خمسه اسابيع إلا هو نزل مني وش السبب , الله أعلم , وماني زعلانه لأني عارفه ومتأكده ان ربي يبغالي الخير لما نزل ويصرف عني الشر , والحمدلله على كل حال
اذا انتي صغيره لا تستعجلين بالحمل هو صح زينة الحياة , لكن ما وراه الا الهم والتعب
واذا ربي مو كاتبلك لا تجلسين تطردين ورى هالشي ماراح يصير الا اذا الله قال: (كن فيكون) , لاتفكرين كثير نفسيتك تتعب ويبان على وجهك الهم
إذا انتي وزوجك عملتم بالاسباب ومافيكم شي ,هذا بيد الله مو بيد البشر , لاترهقين نفسك وتدمرين صحتك عشان الخلفه , ( لايكلف الله نفسا الا وسعها )
فيه وحده جلست 25 سنه - بدون مبالغه طبعا - ولا حملت , وبعدها حملت بتوأم بنت وولد , هذي أرزاق ربي قاسمها على العباد , مافي أحد يقدر يقدمها ولا يأخرها
خلي إيمانك بربك كبير والله يرزقك من واسع فضله ويعوض صبرك خير , وهذا امتحان وابتلاء , المؤمن اذا ربي حبه ابتلاه , اصبري ولا تقنطي من رحمة الله ,عيشي حياتك ولا تنسي اتصدقي بنية ربي يرزقك الذرية الصالحه " حطي مويه للطيور تشرب منها مع الحر وخليها بنية الخلفه "
اسفه طولت عليك بس نسيت نفسي وانا اكتب وجالسه افضفض اللي بقلبي
تقبلي عذري ,,
ولاتقطعين المنتدى ان شاء الله ربي يرزقك في القريب العاجل بأحلى خلفه