[ايمان المحمد]

سلامات ياحلوات
انا اول مره اشارك بهالقسم
وبنزل لكم اكله وانشالله تعجبك
هاذي اكله مكرونه اندنوسيه سهله و لذيييذذذذه

* المقادير :
مكرونه مغلف واحد + صحن دجاج مسحب ومقطعينه مكعبات + 3 بصلات + حوالي 4 فصوص ثوم + موتو ( ملح اندنوسي ) + ملح وفلفل + زيت + دقيق + صلصة الصويا

* الطريقه :
- نسلق المكرونه ونحط عليها شوية زيت وملح واذا نضجت نحطها بصفاية
- نجيب 1 بصله نفرمها مع الثوم ونحمسها مع شوية زيت
- بعد مايتسبك البصل نحط الدجاج عليه ونحط عليه تقريبا ملعقة موتو ونحركه تقريبا 10 دقايق او حتى لما يبدا يحمر الدجاج
- نضيف عليها حوالي كوب وربع مويه و نغطي القدر
- بعدها بحوالي ربع ساعه نضيف عليها دقيق مع التحريك المستمر عشان مايتكتل الدقيق الين ماتشوفين المرقه صارت ثقيله نسبيا وتضيفين عليها رشة ملح وفلفل أسود
- بعدها بعشر دقايق تشيكين عليها اذا الدجاج نضج تطفين عليها
- اذا المرقه ثقيله زودي مويه واذا خفيفه زودي دقيق , ممكن تحطين عالدجاج ماجي اذا تحبين بس انا أظن ان الموتو يكفي
- تجيبي 2 بصل تقطعينها شرايح وتحمسينها في زيت غزيرلين تصير ذهبي مايل للبني وبعدها تشيليها وتحطينها بورق نشاف عشان يمتص الزيت
- الآن للتقديم تجيبين الطبق تحطين فيه الكميه المناسبه من المكرونه وتحطين عليه من المرقه بس مو تغرقينها يعني شوي واهم شي يكون في من الدجاج عليها , وترشين عالوجه شوي من االبصل المحمس واخيرا تضيفين عليها من صلصة الصويا وتزينينها بأوراق بقدونس عالجوانب
- يمي يمي الأكله مره لذيذه وماتاخذ وقت
جربوها وادعوا لي
بايات