السلام عليكم
يوم السبت وأنا في ادوام حسيت إنه نزل مني شي
ولما رحت الحمام (كرمكم الله) لاحظت إفرازات بنية اللون
بسرعة إستأذنت من مديرتي ورحت مباشرة للدكتورة
الدكتورة ما طمنتني أبداً وكل إللي قالته: بعطيج إجازة وإرتاحي في البيت وخذي الدوا بوقته!!!
كانت تتكلم عادي كأنه شي بسيط لكن إللي خوفني إنه في السونار طلع عمر الجنين 5 أسابيع و 3 أيام!! وأنا متأكدة بحسابي يطلع 7 أسابيع ويومين... والشي الثاني إن الجنين مب واضح لكن غلاف الجنين جيد وفي موقع ممتاز!!!!!
واليوم لما نهضت الصبح حسيت بألم شديد بظهري ونزلت إفرازات بنية تميل أكثر للإحمرار كأنها دم!!
ورحت للدكتورة مرة ثانيه وقالت لي: شكلك ما كنتي ترتاحي فالبيت!
المهم عملت لي سونار مرة ثانية وقالت لي إنه ما في شي إختلف عن قبل.
لكن بالنسبة لي أحس إن الغثيان إختفى لكن صدري أحسه أثقل وأحسه منمل!!!!
والله ما أعرف شو أسوي؟؟
فكرت أكرر فحص الحمل...
للسيدات إللي عندهم خبرة أو مروا بتجارب مشابهة
الله يستر عليكم ويريح بالكم
خبروني هذا إجهاض؟ ولا ممكن يكمل؟
مع العلم إن عذا هو حملي الثاني بعد علاج لأني كنت أعاني من عقم ثانوي
وما أريد أفقد الجنين ):