اهلين باحلى قصيمات
اخباركم واخبار بيبياتكم
انا ماسجلت الا عشان هالتجمع
وحابه افيدكم بخبرتي مع اني لسى ماكتب لي حمل
وان شاء الله قريبا اكون كروشه معكم
انا من الرس ولدت بالوفااااء مرتين والصراااااااااااحه لايوفتكم نظافه واهتمام ورعايه وانفس زينه ودكتورات خبره
من ناحية الولااااده غرفة خاصه وكمامه ووقت الخياط مره بنجوني تبنيج كامل بولادتي الاولى ولاحسيت بالخياطه
والمره الثانيه تبنيج موضعي مع الكمامه
من ناحية الخياطه اغلب دكتورات اللي بالرس تسألني عن الخياطه اذا كشفت علي من تحت وانا فيني التهابات تقول مابينت مره ومرتبه
اما من ناحية الحضانه انا ولدت بنهاية الثامن وحطو بنتي بالحضانه او العنايه مدة 24 ساعه والحمد الله طلعت معي
ومن ناحية بنك الدم هذاك اول ماعندهم اول مافتحوووو بس الحين كل شي عندهم
ومن الناحية الماديه ارخص بكثير من غيرهم وخاصه مستشفيات الرس المعفنه لااهتمام ولانظافه وانفس شينه وسرق اطفال عينك عينك هذا غير انهم يرمون عليك بزرك رضعي وحفضي ونومي واسهري
والولاده من 5000 واقل على حسب وضعك بالوفاء للطبيعي اما العمليه من 10000 وفوق او اقل على حسب
تصدقون ولادتي الاخيره 2700 ريال بس قبل 3 سنين مع المرافق
اما الولاده الاولى 3800 ريال عشان البيبي بالعنايه مع المرافق
ويفي انه طاقم نسائي ترتاحين فيه نفسياا
والصراحه يستاهل العنوه
هذا غير فخامته من دخل والريحه تهبل وصالة انتظار مع ترمس شاهي وبرادة مويه واثاث فخم
فانصحكم فيه وبقوه من تجربه
اما الحبيب ماانصكم فيه لهم فلوس على الفاضي ومافي خبرة وانفس خايسه
ولاتنسون ترى الولاده توفيق من رب العالمين
ادعولي بالولد الصالح المعافى
واللي تبي تستفسر تدق على الوفاء وتسألهم هذا رقمهم 063636600