[lovesmoosa]

بسم الله الرحمن الرحيم
السلام عليكم
كيف الحال
مسامحه على الأطاله في كتابة القصة بس إهي طويله ويش أسوي(الله كريم)
وشكرا لكل المهتمين والمتابعين لموضوعي والداعين لي وللمؤمنات في السر والعلن
اليوم يا بنات كليش تعبانه لكن لجل خاطركم قلت لازم أكتب لأن البنات ينتظرون
(الجزء الخامس)
بعد مرور 6شهور على تجربتي الأولى في أطفال الأنابيب
أتصلت إحدى ممرضات المركز الذي عملنا فيه أطفال الأنابيب تعلمنا أن دكتورة جديدة أنضمت للمركز وهي متخصصه في علاج العقم وأطفال الأنابيب
ولكن في ذلك الحين لم يتوفر المبلغ الكافي للأعادة العمليه
بعد مرور 3 شهور أخرى أكتمل المبلغ و بدأنا النقاش بأعادتة التجربه مره أخرى
وبالفعل أخذنا موعد عند الدكتورة للبدأ بالتجربه الثانيه
ذهبنا للدكتورة بعد أطلاعها على الفايل الطبي الذي في المركز وبدأت معانا مباشره
زوجي عطته أبر وأدويه نفس التجربه الأولى بالضبط والمده نفسها
وأني بعد كل شي نفس الشي
بس المختلف في هذي التجربه
أنه أخذت عينه مهبليه عشان تتأكد من خلو الرحم من أي جراثيم أو فيروسات تمنع الحمل وطلعت النتيجة أن الرحم خالي من الفيروسات والجراثيم (الحمد لله)
يوم سحب البويضات أخذنا عينه لزوجي ورحنا عشان العمليه وبعد ما صحصحت من البنج
سألت زوجي عن التفاصيل قالي: أن العينه الأولى ما كانت ممتازه وأطريت أخد عينه ثانية في المستشفى
كان الألم كلش فظيع بعد العملية مو مثل أول مره وظل يومين ألم متواصل على الرغم من تناول المسكنات
وبعد 3أيام أتصلولنا لإرجاء الأجنه
شربت ماي واجد بس هل مره حاسبت عشان ما يصير اللي صار المره اللي قبل
رحت المستشفى وكان الترجيع جدا مؤلم ما أدري ليش كانت ذيك التجربة كلها ألام في ألام (الحمد لله على كل شيء)
ورجعوا لي جنينين بسوعطوني أبر التثبيت والحقن المهبليه وقالوا لي يوم 14 تعالي سوي تحليل ورحت البيت بس هل مره ما عتنيت بنفسي بصراحة كنت أطلع وروح مع زوجي بعض المشاوير الخفيفة وبعد مرور 10 أيام نزل دم أتصلت للعيادة وقالوا لي لازم تجين
رحت وسوت لي الدكتوره أتراساوند وقالت : أعطوها مثبتات وسوي تحليل دم رقمي وكانت النيجه ............................ في حمل يا بنات (الحمد لله)بس تخوفت أكثر أني أفقد هذا الحمل بعد وسألت الدكتوره هل هذا النزيف من عدم الراحه
فسألتني :إذا ما حملتي ثقيل ولا أجهدتي نفسك فهذا الشي بأذن الله
أطمأنيت لأني ما سويت هل أشياء
رجعت البيت ولا حركة دائما مرتاحه وكنت أحس بلوحام وكنت أخذ أبر التثبيت بنتظام
وبعد ستة أيام توقف للوحام وزاد النزيف ورحت العيادة وسويت تحليل دم
توقف النمو مره ثانيه (الحمد لله ) ونزل طبيعي هل مرة زاد النزيف وأجهظت وجتني حالة إكتئاب الله لا يوريكم
وبعدها ضليت ما أحب أسمع أخبار الحوامل اللي طرحت واللي توقف النمو عند البيبي
لكن الحمد لله صيطرت على حالة الأكتئاب قبل ما تسيطر علي
زوجي مسكين تعب وياي واجد في هذي التجربه بسبب الألام اللي كنت أعاني منها وبعدها حالة الأكتئاب
فقررت أني وزوجي بعد هذي التجربة الراحة لمدة لاتقل عن سنه
يا ترى كم بتكون مدة الراحه ويش الشي اللي بصير بعدها
إلى اللقاء في الجزء السادس ما قبل الأخير
(أتفائلتون يوم شفتون ما قبل الأخير)
مسامحه من التعب ما عطيت الجزء حقه
مع السلامه بنات ولا تنسونه من الدعاء (للمحرومات طبعا واللي يبغون عيال)
تمنياتي لك بالتوفيق