السلام عليكم
حبيبتي بلسياسه كل شي يصير تدريجيا بس لا تحطين الموضوع براسك و تقولين بسايسها هلفتره و أشوف شنو يصير
يعني لو جابت شي لولدك أشكريها و قول لها ماتقصرين
و قولي حق ولدك شفت جده أيش جابت لك روح بوسها على راسها
أنا معترضه على شغلتين
الدلع الزايد مو اوكي لازم يكون ماشي على قوانين و نظام معين هلمرحله مرحلة تأسيس للدراسه لازم تشوفيك حل انتي و زوجك قولي له مو معترضه على شي لكن الدلع الزايد بينقلب علينا انا و انت و
كل شوي تفتح له حلاوه مو كويس هيك
قوليلها بخصوص الحلاوه
مشكوره و ماتقصرين خليه ياكل مره و مرتين لكن
اذا حسيتي انها بتعطيه المره الثالثه قولي لها خالتي خليها لبعدين عشان اسنانه
مو وراء بعض
الصراحه اذا عندي خاله هيك بخلي الولد عندها و ارتاح
ههههههههههههه
لا تلومينها أنا أهلي ودهم عيال أخوي يقعدون عندهم على طول
بلذات الصغار مرره يجيبون الفرحه للبيت
بعدين أحسن خليها هي تلتهي بولدك و المولود الجديد
خليه معاك أهتمي فيه و لا تفكرين بهذا الموضوع و أنتي شكلك غيرانه بس مو حاسه
أو خايفه لما يكبر يحبها و يهتم فيها أكثر منك و يتعلق فيها ترى خووف طبيعي
لان في حريم يغارون من هذي العلاقه بس من غير مايحسون أو يعرفون أنها غيره
يعني زوجة أخوي تغار من بنتها على زوجها لان زوجها مهتم بلبنت بشكل فظيع
و تغار من أمي لان بنتها متعلقه فيها بشكل مو طبيعي
و بنتها الثانيه متعلقه بأختي و أغلب عيالها متعلقين في بيت أهلي
لان شايفين الاهتمام و الحب كيف و لان هي بلدوام من الصباح الى الظهر ترجع تنام الى العصر يعني ولو قعدت معاهم ياطق يا تسليك الاطفال ماينفع معاهم الطق و التسليك يعني شغل المزاج ماينفع معاهم
أنا شخصيا مربيه ولد زوجي
أنا ماأمدح نفسي لكني أحسن من أمه
بلاهتمام و النظافه و الترتيب
أغار لو راح عندها و أقعد أبكي و أرجع أقول بلنهايه هي أمه
و أقعد أفكر لو كبر بيحبني بيحترمني و و أقعد أصيح
بس حاليا منعت نفسي أني أفكر بهذي الطريقه اللي علي بسويه و الباقي على الله كل شي بيكون مكتوب و مقدر
خلي التربيه على ام زوجك و دوري لك شي تلتهين فيه أدرسي أو أشتغلي دام في حد عندك يهتم بلأطفال
و الله يعينك و يسعدك و يسهل عليك