اهلين نرجسه انا اقولك كيف عبي ترمس القهوه مويه ويكون لكل ترمس فنجان ونص قهوه عربيه اللي هي لونها اشقر فاتح وترجعين المويه في ابريق وتغلينها على النار واذا غلت المويه حطي القهوه وقصري (وطي ) النار شوي وزيديها فنجال حليب سايل او مبيض قهوه ملعقتين اكل وحطي عويدي (قرنفل) حبتين تغلي مع القهوه عشان النكهه وحطي زعفران وياحبذا الاصلي هو غالي شوي بس ما استغني عنه الرخيص مخيس الزبده خليها تغلي على نار هاديه نص ساعه وبعدين حطي ملعقه حلى(وسط) مليانه هيل وحطيها في الترمس وصبي القهوه عليها وسكري الترمس شوي الين تركد القهوه وبعد عشر دقايق افتحيها وصبي وتقهوي وادعيلي