السلام عليكم
حباااااااااااااايبي وحشتووووووني جدا جداااااااااا
اعذروني غصب عني والله ماعرفتش ادخل الفترة اللي فاتت خالص
حتى التليفونات ماكنتش باعرف ارد عليها
وعارفة انكم كنتم قالقانين عليا, وبنات كتير اتصلوا عليا وماعرفتش ارد
بس بجد والله غصب عني
ربنا عالم بيا.. انا كنت تعبانة جدا والخياطة فتحت عندي وكانت محتاجة تعاد , وطلعلي بواسير جادة من الطلق الصناعي كانت محتاجة جراحة هي كمان بس انا تعبانة ومش قادرة استحمل وقلت اصبر على نفسي لغاية ما الحاجات دي تخف لوحدها مع الوقت
وطبعا مش باعرف اقعد خالص انا كده بقالي 20 يوم والدة بس بجد كنت تعبانة اوي ومتبهدله
لسه يادوب امبارح كده بدات اقعد عادي وانا بارضع اروى
كمان اروى لسه تعبانة والصفرا لحد دلوقتي ماراحتش من عندها ودايما عندها مغص وانتفاخ وبتصوت على طول ومش بترضع كويس وساعات مش بترضع خالص ممكن اليوم كامل تقعد تصوت من الجوع ومش راضية تمسك صدري
وتاعباني خالص معاها ومابقتش تنام
وفوق ده كله كان عندي شوية مشاكل كده سبحان الله مالحقتش افرح ببنتي
ونفسيتي تعبانة خالص.. الله يسامح اللي هما السبب
المهم انتم أخباركم ايه كلكم ؟؟
يارب تكونوا بخير دايما
انا ما اعرفش اخباركم من قبل ما اولد .. يعني من 3اسابيع
ومابقيتش اعرف اذاكر اللي فاتني زي زمان
يارب تكونوا بخير كلكم واسمع عنكم اخبار حلوة دايما