بنات هذي ثاني مره تنزل علي الدورة بعد الاجهاض انا اجهضت بشعبان ولما جاء رمضان جتني الدورة وكانت غزييييييييييييييره وتمت الدورة ثمان ايام وبعدها طهرت وهالشهر جتني وايضا غزيره ورحت لدكتورة على ثالث يوم وكشفت علي الدكتورة من تحت سونار مهبلي وقالت جدار الرحم عندك ضعيف وأخذت مني تحليل حديد من الدم وعطوني ابره للنزيف بالورك اكرمكم الله المهم اخر شيء كتبت لي ثلاث انواع حبوب 1- فيتامينات وحديد 2- كبسولات توقف الدم -3- كبسولات مضاد للاتهابات ومسكنه للالام
المهم من اخذتها وقفت الدورة تماما وماكان ينزل الا مره باليوم بعد اليوم الثالث اللي جيتها الا دم اسسسسود خفيف مره واليوم الخامس ولا شيء وبعدها اليوم السادس اللي هو اليوم كم نقطه بسس وربي اني خايفه وظهري يألمني مو قادره اصلب طولي وعندي زيادة بالتعرق ودوخه وحكه بجسمي وعيني والم فضيييع براسي من الجهة الخلفية ...انا لما سألت الدكتورة هل حبوب وقف النزيف تأثر على الرحم قالت لا مهم تاخذينها عشان الأوردة تنكمش عندك ومايصير نزيف ولما ظهرت نتيجة التحليل طلع نسبة الحديد 24 من اصل 27 اعتقد المهم الحديد نازل عندي ..
انا حابه اسأل هل أحد مر عليه مثلي هل اوقف الحبوب لان الدكتورة قالت لي خذيها حتى بعد ثلاث ايام بعد الدورة .....كنت بوقفها بس زوجي قالي لا خذيها ماتد\رين يمكن يرجع لك النزيف مره ثانيه ...انا عندي موعد عندها يوم الاثنيين ويارب خير
بس انا خايفه من الدم اللي مانزل يأثر فيني أو يبسبب لي شيء لاقدر الله ..