[NoNa roze]

دبدوب بقى يحب الشتا



كان فيه دبدوب
صغير لسة مولود

مش عارف هيعمل ايه
وكل حاجة جديدة عليه

بس عنده ماما
بتحبه اوى
وهتعلمه كل حاجة
دبدوب كان يوم عايز بيلعب

مع الفراشة والبطة والسنجاب

لقى الفراشة بتستخبى
ومش عايزة تطلع برا بيتها
والبطة مع البط اصحابها
كتير اوى متجمعين ومش بترد عليه

ومش فاهم هى بتعمل ايه

والسنجاب مشغول اوى ومش هيعرف يلعب
هو السنجاب بيعمل ايه
السنجاب رايح جى رايح جى

بيشيل اكله ويحطه فى بيته
ويجيب تانى اكله وبيحطه فى بيته

هو جايب كتير كده ليه

دبدوب مش فاهم فيه ايه
هو ايه الى بيحصل ده
هو انا بردان كده ليه

دبدوب عارف مين الى هيساعده
ويفهمه كل الى هو مش عارفه

ماما
دبدوب راح لماما
انا خايف
فيه حاجات غريبه

الفراشة مستخبية فى بيتها
ومش عايزة تطلع

والبطة مع البط كله
ونسيتنى

والسنجاب مشغول
ومش عايز يلعب

وانا بردان
هو فيه ايه
ماما قالتله

فيه شتا فيه تلج وفيه برد
قال دبدوب
الشتا
يعنى اصحابى يبعدو عنى
ويبقوا مشغولين
واكون بردان
انا مش بحب الشتا

واعد بعيد زعلان
لقى ماما غريبة

ماما كسلانه اوى وعايزة تنام

ماما دايما نشيطة
ومش بتحب تنام
الشتا ده غريب
انا مش بحب الشتا

ماما خدت دبدوب فى حضنها
علشان تدفيه
وقالتله وهى بتغمض عينيها
الشتا بيحصل فيه حاجات كتير
البط لازم يهاجر كله كله
ويروح بلاد تانية بعيده
فيها دفا
ويرجع لما الشتا يخلص

والسنجاب لازم يجمع اكل كتيير
علشان فى الشتا يكفيه

دبدوب قال
وانا بئة اعمل ايه

ماما قالت وهى بتنام
انت مش هتعمل حاجة
دبدوب هيعمل بيات شتوى
بس هينام كتييييييير طول الشتا

دبدوب قال
انا بحب النوم
ماما قالتله
طيب نام واحلم بكل الى بتحبه

دبدوب نام
وحلم بالربيع
بالورد بكل الالوان
والشجر باوراقة الخضرا الجميله
حلم بالعصافير بتغنى
وحلم باصحابه
رجعو تانى يلعبو معاه
البطةوالسنجاب والفراشة

نام دبدوب كتييرو
لما صحى
لقى حلمة اتحقق
ولاقى كل الى هو حلم بيه فى الربيع
وقال
انا بحب الشتا
بحب انام فيه كتير
واحلم بالربيع