قماري
شوفت هدي في منتدى تاني
ان شاءالله اروح عند اهلي وابدا اسويها
الخطــــــوه الاولى : التقشير
طبعا قبل اي اقنعه او مرطبات لجسمك لازم تكون بشرتك مستعده لامتصاصها ومساماتك مفتوحه .. والطريقه كما يلي :
اولا تجهزين علبه وتخلطين فيها : خلطه رقم 1
3 ملاعق كبيره صنفره كاب
3 ملاعق كبيره يوكو ملح الحليب
4 ملاعق عصير ليمون
فنجان قهوه ماء ورد
الكميه هذي تكفيني استخدام مرتين فقط لكامل الجسم .. تاخذين اللي يكفيك من الخلطه بصحن والباقي احتفظي فيه بالثلاجه
وتجهزين ماسك للبشره يفضل يكون بمويه بارده ويتكون من :
خلطه رقم 2
ملعقه سدر
ملعقه حليب بودره
ملعقه نشا
ملعقه كاسترد
ملعقه عسل
ملعقه زيت لوز مر
ومويه ورد الى ان تصير الخلطه شبه سايله وهذا تسوويه كل مررره ماينفع تخليه بالثلاجه
الحين نبدا بالخطوات :
اذا كان عندك حمام ساونا تاخذين الجهاز حق البخار وتحطينه بالحمام وتشغلينه وتقفلين الحمام لحد مايمتلي الحمام بخار ( بنات انا سألت دكتورتي وقت حملي عن الدخول لخيمه السونا وقت الحمل وقالت خطر جدا جدا جدا على الجنين الحراره تسبب تشوهات للجنين ) لكن اذا حطيتي الجهاز بالحمام نفسه تستفيدي من البخار بدون ماتكون الحراره مركزة على جسمك .. المهم اذا ماعندك حمام بخار تدخلي تحت الدش مويه دااافيه لمده خمس دقايق وبعدها تحطين على جسمك صابون مغربي سايل وهو الافضل او البابايا 4في1 وتفركين تفريك ناعم بشكل دايري لمده خمس دقايق ثم تاخذين الصنفره(خلطه رقم 1) وتحطينها فوق الصابونه وتكملين فرك لمده عشر دقايق ثانيه .. ثم تغسلين جسمك بمويه دافيه وتحطين الماسك (خلطه رقم2)على جسمك وتسترخين لمده عشر دقايق ثم تغسلين بمويه بارده وتجففين جسمك وتحطين مرطب والافضل تعتمدي هذي الخلطه لأنها تنعم البشره وتوحد اللون وتفتح البشره وتخفف المفاصل السودا والتجااعيد والخلطه هي :
3 علب جيلوسليد
فنجال عصير ليمون
فنجال مويه ورد
4 ملاعق زيت لوز مر
قسميها في علب استخدمي وحده واحتفظي بالباقي في الثلاجه .. انا وقت ما ادهن جسمي احط فيدي ملعقه تقريبا من الخلطه واضيف لها ملعقه كريم سودوا وادهن فيها المنطقه الحساسه ومنطقه الافخاذ من الداخل
اما الابط ادهنيه بكريم سودو فقط
الخطوات سهله بس كلاامي كثير لاني ابي اوصل الفكره بشكل واضح لان ماعندي وقت ارد ع كل الاستفسارات .. والله باذن الله لو استخدمتوا هالبرنامج مرتين بالاسبوع لتتذكرون اختكم ريميه بالخير وتدعون لها .. البرنامج للجميع حتى غير الحامل ممكن تستخدمه
وبالنسبه للترطيب اليومي بصرااحه مافي منتج متوفر وسهل افضل من منتجات فازلين ليديني انا استخدم كريم اليدين البرتقالي وهذي صورته :
وللجسم كامل استخدم لوشن فازلين الوردي ااو الاصفر او كريم جونسون