السلام عليكم ورحمة الله وبركاته كيفكم حبايبي ان شاء الله تكونو بالف خير واخير نزلتلكم تجهيزات نفاسي طبعا ماحبيت ابالغ في التجهيزات بس سويت حاجات بسيطه من صنع ايدي هادا الكنب طبعا انا شرعتو بالساتان والاورود واختي خيطتلي الغطايه والمخدات وهادي هندولت البيبي الله يحفظ وطقم تقديم البيبي حطيتو على الهندوله وهدا تزين الباب طبعا بتل والاورود واللوحه مكتوب عليها ويلكم طبعا هادا توزيعات الحريم اخذت الحبه بريالين من محلات الزينه وانا زينتها بشرايط وحطيت حلاوه هادي السله حقت التوزيعات طبعا هادي لو حكايه تانيه هي ماكنت كذا كان لونها بني وعليه قماش قطيف بني وانا جبت بخاخ سكري وبخيتو ولبستو بساتان سكري وزينتو بلكلف والشرايط بس خساره نسيت اصور السله عشان تشوفو كيف كان وكيف صار وهدا توزيعات الاطفال وهادي وحده تاجره سوتها من منتدى ثاني وهادا تعليقات السقف اللي كسرت رقبة اختي من كتر مابتعلقو الله يديها الف عافيه طبعا وهادا طريقة تقديمي للفطاير والبيتيفور حبيت انزل التجهيزات عشان الكل يستفيد طبعا وللي مايقدر يدفع مبالغ كبيره عشان يستفيدو وهنا كلفني بس 1300لنو كلمت كذا تاجره عشان تسويلي كانت تطلب مبلغ مبالغ فيه يعني بس التوزيعات كانت تاخذ عليه الف ريال مررررره غالي بصراحه اسفه طولت عليكم وشكر خااااااااااص لعضوتنا الحلوه algood1ساعدتني في تكبير الصور وتزينها الف شكر لها والى لقاء قريب مع تزيني للمطبخ دمتم بحفظ الرحمان