هلا خواتي
عندي لكم خلطه ماشفت احد من قبل كتب عنها وحبيت انكم تستفيدون منها ولكن لا تستعملها
صاحبه الشعر الضعيف لأن فيها حلبه والحلبه قويه على الشعر واللي تبي تستخدمها وهي
شعرها ضعيف تستخدم قبلها خلطه الخبيرة البريطانيه وهي (عصارة البصل +الثوم+ الزنجبيل
+زيت سمسم +زيت خروع )وبعدها تستخدم هالخلطة واللي هي انك اول شي تاخذين ثمرة جوز
الهند صغيرة الحجم وتفتحين فيها فتحه وحدة وتفرغين منها الماء وبعدين تعبينها حلبة حصى
وتاخذين قطعة قصدير وتلفينها زييين وتسدين فيها الفتحة وتحطين على الفتحة سليكون
وتلصقين عليها شريحة من القصدير علشان تتأكدين ان ما راح يدخلها موية وبعدين تدفنينها
في تربة زراعية لمدة اربعين يوم وبعدين تطلعينها وتكسرينها وترمين القشرة الخارجية
القاسية وبعدين حطي عليها زيت جوز الهند الجامد (علبته زرقاء اتوقع ان اسمه براشوت)
وتخلطين كل المقادير في الخلااااط زين وتعبينها في قارورة قزاز وتحطين معاها بيالة من زيت
السمسم ونص بيالة زيت خروع(((وزيت السمسم والخروع للي يناسبها واللي ما يناسبها تكتفي
بزيت جوز الهندلأن زيت السمسم والخروع يعطي مفعول اسرع)))
ولكم الان طريقة الاستعمال:تاخذين الكمية اللي تحتاجينها وتسخنينها بدون نار يعني تحطينها
في بيالة وتحطينها في موية حارة وتنتظرينها تسخن وتحطينها على شعرك وخليها على
الشعر المدة اللي انتي تحبينها
منقوووووووووول