[شمس الصباح]

احلام ام تدرين خاطري اسمع قصة ولادتش وكل مرة اقول اذا شفتش بخليش تقولينا وانسى

اي بقول ليكم قصة ولادتي ويش رايكم

لما وصلت في الشهر التاسع كان ألم شديد يجي ويروح ما كنت احس انها ريح استقبال لانها كلش غير كنت افز من مكاني من الوجع ولا اقدر اقعد في مكاني وظليت كل ليلة يجي هذا الألم وزوجي يقول ولادة واني اقول له ما ادري بروح انام واذا زاد بتشوفني اقعد وظليت جدي كل ليلة لين تعودت على ألم واحاول قد ما اقدر اني اسلي نفسي باي شي يخليني انسى في اخر ليلة لي كنت قاعدة مع رفيقات دربي في الحمل نضحك ونتسلى كنا كل وحده تطالع بطنها وتوصفة الينا وما شاء الله برغم ان الالم يزيد بس من اللمة الحلوة كنت اطنشة لما زاد الألم اكثر قلت اروح اريح شوي رحت بقعد اطالع التلفزيون ما قدرت اخرتي رحت ونمت مثل كل ليلة وعسى يخف عني اشوي وطبعا ابو الشباب كان يطالع مباراة وقبل لا انام سئلني كالعادة ويش ولادة قلت اليه لا تسئل قلت لك وقت اللي بولد بقول اني بروح اناااام يمكن يخف يا لله تصبح على خير

طبع من دخلت الشهر التاسع جهزت شنطتي وفوق الشنطة دشداشة كشخة لونها بني على ابيض مع شيلة بنية ونعال بني وملابس داخلية نفس اللون وخليتهم على الشنطة متفرغة لبنية حتى وهي بتولد مطقمة ثيابها خخخخخخخ

القاكم في الجزء الثاني