شذاوي انا رحت مراجعه عادية الساعة10 بالليل لما شافت ملفي قالت انت الحين بالاسبوع ال37 يعني نولدك قلت ابي عملية قالت اوكيه روحي سوي تخطيط وتعالي رحت سويت وجيت شافته قالت الوضع كويس(كل هذا وانا فرحانه ودي اولد وارتاح)قالت خلي زوجك يسوي اوراق التنويم اليوم تنويم وبكرة العمليه قلت متى بالضبط قالت على حسب دورك ورحت طايرة حسيت حالي خفيفة اركض ركض وراح اخوي وسوى اوراق التنويم ووقع على العملية وصعدوني فوق وانا طايرة من الفرح ابغى هالهم يروح مني
صعدت فوق وبدا العذاب جلست ساعة تدور وريد عشان تحط ابرة المغذي لحد مالقت
قالت اذا صارت 12 لاتاكلين قلت اوكيه جت امي وجابت شنطتي وجلسنا على وكل شوي ممرضة تفحص سكر وضغط تقريبا كل ساعه وسالتها قت متى العمليه قالت 10 الصبح وجابت لبس العمليه وقالت البسيه ولاتلبسين تحته شيء وهنا بدا الخوف صار قلبي يدق بسرعه واحس اني خلص مااشوف هالدنيا مرة ثانيةتصبرت عشان امي واعمل حالي هاديه
ظلينا على هالحال من 11بالليل الى 9 الصبح وحنا بس ننتظر وجو الدكاترة يسالني عن السكر والضغط وخذو اسمي بالكامل ولبسوني ساعة فيها اسمي وراحو وصارت 10 الا ربع وجاء حق التخدير وقال عندك حشوه باسنانك قلت لا وفحصني بالسماعه وراح وجاء دكتور ثاني وقال عشر دقايق ركبو القسطرة جت ممرضة وجلست خناق انا وياها ماخليتها تشتغل المهم بطلعه الروح دخلت القصدرة عشان البول وامي حطت بشعري عطر ومن سرير لسرير لحد ماطلعوني من الغرفة الى العمليات وامي كانت تمشي معي ماقدرت اناظرها وكاني ماابغاها تشوف الخوف بعيوني قالت اقري المعوذات وكان صوتها يرجف دخلوني بغرفة الولاده ومريت من عند حريم يصارخن ولادات طبيعية توترت حيل ودخلوني غرفة العمليات وسالوني عن اسمي عشان يكتبونه باسوارة البيبي وحطوني تحت اللمبة ووقلبي يرجف ودموعي ينزلن بدون شعور لدرجة كنت بقول خلص ماابغى اولد بس فكرت طبيعي مابي وصبرت واللي تنظف واللي تحط على بطني شيء بني وغطوني وجااء حق التخدير وقال توكلي على الله وانا كنت خايفة بشكل ماحسيته من قبل قلت توكلت على الله وحط المخدر ومن بعدها مادريت عن حالي الا والسستر تصحيني وانا لما فتحت عيني كنت ماشوف كانه ضباب وووجع ببطني يذبح اذكر كنت مفجوعه واقول البيبي السستر قالت بيبي كويس طلعوني من العمليات ودوني لغرفة العنايه ولما شافتني امي كنتا اصيح من بطني ووووميته برد قالت امي الحمدلله على السلامه قلت يمه بطني ودخلتني العنايه ضليت قيها من 12 الى 6 المغرب وانا كل شوي ارسل سستر تشوف البيبي وماترجع لحد ماجت وحده وارسلتها قالت بيبي كويس حلو قلت قولي لامي لاني عارفة ان امي على اعصابها راحت وجت امي معها وقالت شفت البيبي يجنن وبعدها بدان يمشني وووشالن القصدرة ووقالن حاولي تخرجين ونتو بكرامه ماطلعوني الا انا مخرجة وتوته توته خلصت الحتوته
الطريف ان كل اهلي وزوجي شافو البيبي وانا لا وكنت منقهرة لما يتكلمون عنه لما صارت 1 بالليل ونادين سستر وودتني اشوفة شعووووووووووووووور يجنن قطعه منك بين يدينك نسيت كل تعبي وفترة حملي جلست المس اصابعه وورجلينه وابوس فيه ربي لايحرم احد من هاللحظة