[لمسة أمل]

المشاركة الأصلية كتبت بواسطة طعمي جلكسي

واااااااااااااااااو

وربي فرحت كثييييير بالتجمع دا
الله يسعدك يالمسة امل اللي جمعتينا
انا ضيفه جديده عليكم
واتمنى اكووون خفيفه
وانا بكريه وتوني اليوم دخلت الخامس
وما اعرف شي ابداا ابداا
ياليت تقولوا لي ايش اخد من حبوب
لان الدكتوره نهاية الشهر الثالث وقفت عني حامض الفوليك
وصرفت لي كالسيوم وفيتامين وعلبه تانيه بس ماصرفتها وضاعت الروشته
واخد الكالسيوم بس الفيتامين ما اخده الا بالاسبوع مره او مرتين لان اخت زوجي قالت انه يضخم
الجنين وبالتالي يعسر الولاده
وقرات بمنتدى تاني انه لازم اخد الفيتامين وسرت دحين اخده

فـ ياليت تقولوا لي ايش اللي تاخدونه دحين وقت حملكم واللي ماتاخدونه؟؟؟
وانا في الشهور الاولى اراجع عند الدكتوره اروى في باشرحيل
بس سافرت وتجي شهر 7
وسرت اراجع عند الدكتوره سعاد بمستوصف الريم بالخنساء
مين تعرفها ؟ او مين سمعت عنها؟؟؟


اااااسفه اني تقلت عليكم بالاسئله واتمنى الاجابه باسرع وقت

يا هلا فيكي يا طعمي جلسكي .. وحياكي الله بيننا ...

ومبارك عليكي الحمل ..

بالنسبة للحبوب .. أنا برضه مثلك .. صرفت لي الدكتورة حبوب حمض الفوليك من بداية حملي إلى الشهر الرابع وبعدين قالت لي وقفي .. وبعدها صرفت لي حبوب الكالسيوم وحبوب الحديد .. اللي إلى الآن مستمرة عليهم .. على ما اعتقد الفيتامين اللي تقولين عليه هو الحديد لأن بعض الناس يعتقدون إنه الحديد يضخم البيبي وقت الولادة مع إني قرأت في المنتديات إنه المقولة هذه خاطئة.. فإنتي الافضل تسمعين لطبيبتك لأنها الادرى بمصلحتك

أما بالنسبة للطبيبات فأنا سمعت عن الطبيبة أروى المصرية في باشراحيل .. لكن مابعرف الطبيبة سعاد ..

ان شاالله كروشات مكة ماراح يقصرون معاكي إن كانوا يعرفون الطبيبات ...

الله يسهل علينا وعليكي ...