اخباركم ياحلوت
سكرة مرة ربي يعوضك خير يااااارب
بحكيلكم قصة ولادتي
انا طبعا حملت فوق اللولب ورحت عند دكتورة في مستشفى خاص وقالتلي انتي حملتي بدون دورة
لان اخر دورة كانت 2 شهر 12
يعني حملت شهر 1
المهم بعد كذا رحت العام قالي لا مستحيل تحملين بدون دورة
ورحت اكثر من مستشفى كلهم يقولون نفس الكلام مستحيل تحملين بدون دورة
وان الدكتورة الي رحت عندها في الخاص غبية
بصراحة خفت وماعاد رحتلها
المهم حسبلي المستشفى اخر موعد للولادة 17 /9
رحت مراجعتي بتاريخ 6 /9
وكان وزن الجنين 2 كيلو ونص
وقالتلي اذا جاء يوم 17 وما ولدتي راح اعطيك طلق صناعي تحاميل وبعد كذا ابر
انا خفت ما اسال احد الا يقولي الطلق الصناعي مووووووت
خفت ويوم 11 /9 جربت زيت الخروع طبعا جاني طلق واسهال وفرحت بالمرررررررة
بدأت الموية تنزل مني شوي شوي قلت باصبر الين يجي الالم القوي واروح المستشفى
جاء الليل واخذ خروع مرة ثانية علشان اولد وافتك
واصبر على الالم لحد يوم 14 /9 واروح المستشفى
ويسولي تخطيط طبعا عندي طلق بس الرحم مقفل ولا انفتح ابدا ابدا
طبعا كنت صايمة وقالي الدكتور خليك صايمة علشان اذا ما انفتح اسويلك قيصري
تخيلو يابنات ويخليني صايمة 3 ايام بس على المغذي
طبعا انا رفضت الطلق الصناعي نهائيا
انخفض بطني ووزني نقص 4 كيلو وهذا كلة وانا في المستشفى
بعدها جاؤ الدكتور وانا خلاص ماعاد قدرت اتحمل الم ظهري وتعب الجوع وعطش وخوف على جنيني
سويت العملية يوم 16 اخر الليل
طلع ولدي وزنه كيلو و900 قرام
وشافة دكتور الاطفال قال هذا ناقص شهر و4 ايام
وعلى طول يدخلوة الحضانة
يعني طلع كلام الدكتورة الي رحتلها في الخاص اول دكتورة طبعا كان صدق وفعلا انا حملت بدون دورة
وحساب المستشفيات الحكومية كلها كذب
جلست في المستشفى 4 ايام حتى ولدي ماخلوني اشوفة
قلبي يتقطع اقولهم بس اشوف ملامحة قالو مافية
طبعا عصبت وقلت لزوجي اذا طلعت ماراح اطلع الا ولدي معاية وربي كريم
فعلا يابنات تخيلو رحت الحضانة شفته المغذي في راسة وصوته مبحوح يبكي ولا يهتمون فية
واشيلة واضمة وعلى طول اعطيته صدري ورضعه
ويعصب زوجي ويسال الممرضة كم رضعه تعطوه قالت في اليوم رضعتين
عصبت وقلت الحين اخذة وقبل لا اطلعة ابشوف وزنه
وتحطة على الميزان ويطلع ناقص 100 قرام
ويروح زوجي ونطلعه على مسئوليتنا
والحمد لله الحين بين احضاني
هو فعلا صغير حتى الابرة مارضي المستشفى يطعمه حق اول تطعيمة بس الحمد لله حالة ارحم من اول
وهذي قصة ولادتي ودعواتكم تلتئم العملية بسرعة
وربي يخليلكم اطفالكم وتقومون بصحة وسلامة