[ريم ام لولو]

اهلين خواتي
الله يعيده علينا يارب واحنا بصحه وعافيه
يوه اجل كلكم مثلي وانا احسب اني بس الوحيده اللي نفسيتي تعبانه واقول والله اني اتدلع ولا بمكن عشاني طولت ماحملت النفسيه دمار حتى مااتحمل كلمه من اي احد حساسه وكل كلمه ادقق فيها ومااستحمل اي شي تى بيت اهلي ماعاد اروح له اخاف احد يقول شي ويزعلني

ياربي لك الحمد الحمد لله على كل شي

وان شاء الله ناويه اغسل ملابس النونو في ايام المدارس الصباح اذا راحت بنتي المدرسه وروقت وفضيت بغسلها بالصابون المبشور

اما من ناحية اسم الجنين اذا ولد فارس طبعا بنتي هي اللي مختارته واذا بنت ديمه او ساره

الله يفرح قلوبنا بشوفتهم يارب وهم باحسن حال


خواتي البكريات لا تشيلون هم اي شي يخطر ببالكم اسالوا لو ادق الاشياء وابسطها

شوفو انا موب بكريه ومع ذلك اسال البنات واستفسر حلو نستفيد من بعض

بنات انا شايل هم شي وش بقى ماشلتي همه ياريم كل شي تشيلين همه لو نسمة الهواء ههههههههه

شايله هم بنتي تتوقعون تجنني على البيبي وتصير تغار منه وتتغير نفسيتها وسلوكها خصوصا انها هالسنه سنه اولى

وكثير ناس خوفوني قالوا الكبير يغار اكثر من الصغير قصدهم ان بنتي كبيره وتفهم وصار قلبها حي على قولتهم

اللحين هي تسولف تقول اذا جاء البيبي انا بهتم فيه وانا بنتبه له وانا بساعدك وانا بخاف عليه واذا جاء الظهر جيبيه وتعالي خذيني من المدرسه هههههههه متحمسه ياعمري
جاوبوني بنات تكفون اللي عندهم عيال