بسم الله الرحمن الرحيم
السلام عليكم ورحمة الله وبركاته
حبيباتي حبيت اعطيكم تجربتي مع الي فتحلي الرحم بعد ارادة الله سبحانه وتعالى
انا من اول اسبوع في التاسع
شربت كل شي ع الفاضي
شربت خروع وشربت كف مريم وقشور القهوه والقرفه
بس ولا شي فتحلي الرحم ولا جابلي الطلق
زوجة عمي نصحتني اتبخر بالمراميه لأنها هي الي فتحتلها موية الرحم
واتبخرت بس طريقة تبخيري كانت غلط
ولا فتح الرحم
ومره حبيت اجرب التبخر تاني لأنه جاب نتيجه معاها
انا كنت متبخره بأني اولع الفحم واحط عليه المراميه والبس قميص من غير ملابس داخليه واوقف فوق المبخره بس طلع غللللللط
لأنه يكون المهبل بعيد عن البخور ومقفول
فالطريقه الصحيحه انك تقعدي كأنك قاعده تقضى الحاجه في الكرسي العربي الأرضي عارفينه اكيد تحطو قدر عالفتحه وفيه الفحم والمراميه وتقعدو عليه بحيت البخار يدخل فتحة الرحم وتحسي بالحراره حقت الفحم الي راح تسحب المويه من الرحم وتتغطي بمنشفه عشان البخار يدخل فيكي مو يطلع كله برا
هذي الطريقه كانت صعبه علي ما قدرت اقعد اكثر من دقيقه
فجبت سطل الغسيل زي الي في الصوره تحت وحطيت قطعة مفرشه على الجز الأبيض الي يلف عشان لما اقعد ما اتعور وحطيت قاعده احط عليها القدر الي في الفحم في السطل عشان ترفعه ويكون القدر قريب من الفتحه وقعدت وانا فاتحه رجلي طبعا كأني مفشخه واتغطيت بمنشفه كتمت البخور جوا واتبخرت بالمراميه
طبعا تحسي انه في شي ينقط من الرحم وهذا هو المويه الي تكون مرطبه المهبل من جوه مو موية الجنين وتحسي المتانه كل شويه تنزل بول لأن البخور والحراره يحرض المتانه مع الحراره تنزل كل المويه الي فيها
هذا كان الصباح والعصر رحت والحمدالله لقيت الرحم فاتح 1سم
استنيت كم يوم واخدت خروع وقرفه وكف مريم وشربت مرميه ونفس الشي ماصار شي
قلت ارجع اتبخر ونفس الطريقه الي فاتت واتبخرت الفجر والصباح رحت المستشفى لقيته 2 سم
الحمدالله
والان طاحت سدادة الرحم وابغى اتبخر تاني يمكن تنزل المويه
بس مامعايا طلق ابدا سويت تخطيط قالتلي الدكتوره في طلق بس خفيف وراح احط سؤال عن السداده
بس حبيت اني افيدكم
اتبخرو بالمراميه
بس اهم شي يكون القدر قريب من الفتحه يعني تحسي بحرارة الفحم بدرجه تتحمليها وتغطي السطل عشان البخور يدخل جوا الفتحه
ولاتنسو الصدقه بنية انه يتفتح الرحم وربي شي
الدكتوره قالت راح اولد اليوم او بكره او بعده
عشان نزلت السداده
بس شكلي مطوله مافي طلق
دعواتكم حبايبي
والي صار ونزلت منها السداده تقلي ولدت بعدها بكم بليز
حبيت افيدكم ياليت الي عندها معلومه تحطها مو تقرء وتطلع ماهمها غير تستفيد ولا تفيد
والسلام عليكم ورحمة الله وبركاته