اخباركم بنوتات
اليوم رحت موعدي في المواساة قعدت نص ساعه اتنظار ><
تالي يوم دخلت شرحت ليها المشكله وعلى طول على السرير وقالت اول بتتطمن على البيبي يعني سونار فرحت حدي لانه كنت ناويه اقول ليها تسوي ليي سونار بس تالي انقهرت حد حدي لانه ماخلتني اشوف ياخي ابغى اشوف البيبي كل مارفعت راسي ابغى اشوف تقول ليي لا تخافي .gif "96")
اخاف من ويش ابغى اشوف :( بس اشوى عن عيني ونفسي لمحت شوي حركته عاد كنت بسألها اقدر اعرف جنس الطفل ماعطتني فرصة قلت ماعليه
واخدت عينه من الافرازات حتى تسوي ليي مزرعة وتعرف شنو فيي وكتبت ليي كذا حاجه
أولهم 6 تحاميل < الي اعرفه يعطو 3 مو 6 . طبعا متخوفه منهم لانه مااعرف كيف استخدمهم وقريت نشرتهم فهمت في البداية بس تالي مكتوب يجب استعمال اقراص كانستين المهبلية اثناء فترة الحمل بدون أنبوبة الإدخال اجل كيف ادخلهم
وعطتني بعد مرهم خارجي آسمه اليكا - أم . طبعا استخدمته ارتحت شوي منه . ريحته خايس ذكرني بالمرهم الي كنت احطه يوم اني ياهله ><
وعطتني بعد دش مهبلي آسمه بيتادين . قريت نشرته عن طريقة الآستخدام الي فهمته اني أضيف ليه ماي واحطه في زجاجة ضاغطه بس ماتبعه شي من وين اجيب زجاجة ضاغطة
وقلت ليها تكتب ليي حديد الي آسمه فـِروز ، وقلت ليها ابغى كريم او زيت احطه حتى لا يصير جفاف او تشققات تقول عادي استخدمي اي شي !
شرايك ميرندا !