[ميرندا فرولا]

المشاركة الأصلية كتبت بواسطة 『~ṂǻŖỵąђْْْ』

فديتش ميرندوش
وبعد رمضان بصير النشاط اكثر تعرفي رمضان يروح اليوم كله مايمديش تسوي شي
وان شاء الله الكل يرجع زي اول ويصير حماس
بس تعالي مستحيل اولد في نهاية ربيع الثاني
يعني ولادتي مفروض يانهاية ربيع اول اول او بداية ربيع ثاني
انا حملت 22 رجب يعني 22 ربيع اول اكمل 9 شهور بالضبط
يعني لو 24 ربيع ثاني اكون 10 اشهر ياويلي
هههه اتا مستعجلة اخلص شهوري على خير واولد بالسلامة يارب

انتين تتابعي في بروكير صح
ابغاش تقولي لي كل شي عنه
لأن احتمال انزل البلد اولد وودي اولد في بروكير عفر اشوف يمدحوه
بس يقولوا مافي ابرة الظهر
المهم قولي ليي الاسعار والتعامل وكل شي كل شي

هلا ماري يفداك ئلبي
لا هذا موعد تقريبي لولاده يعني شمسه اممم
يعني 23 ربيع الثاني تصيري 40 سبوع بالضبط يعني 9 شهور بضبط
مخلصتنهم .. و بالسونار تكوني 38 سبوع من الحمل يعني بنص التاسع..
يعني مايندرا بإي يوم نولد بالتاسع الله يتمم لنا ع خير يارب ونولد بالسلامه
وانا حسبته من موقع حولت ميلادي للهجري وشفته يصير بهاليوم

بالنسبه لبروكير في ابرة للظهر قريت عن ولادات اللي فيه وقصصهم
وشوفهم يقولو عن ابرة الظهر ويمدحوه واجد
و رحت بس مره عند دكتوره رنا مره طيوووبه وتعطيك مجال تسألي ع راحتك و ماتعصب و ممرضات مره طيبين ذوووق تحسي نفسك اميره ومدلعه ,, وهالمره موعدي السبت الجاي ان شاء الله قالت لي بتسوي لي اشعه تفصيليه لبيبي وبتعطيني صوره اليه
يعني ماتكبر السالفه كل شي تاخده برواق ماتوتر الوحده اهم شي

ان شاء الله ع طوول يكون الوضع كذا

اما الاسعار مابعرف كيف لاني تبع التأمين