[يارب لاتحرمني اياه]

اتوقع ولدتك بيكون الجو بارد يعني اصبري شي لين تنزل الملابس الشتويه ..

لو تبدين بعد العيد يكون احسن .. منها توافرين مبلغ كل شهر وتشترين حاجات

ومنها تكسبين الوقت ..

لاتغلطين غلطتي من السادس وانا احن ع زوجي نجهز وهو رافض يقول بدري

مابديت الا بنص الثامن الوقت ضيق والمزانيه صارت دبل ابي الحق عمري عشان اخلص ..

ابدي الحين بنفسك ملابس نفاس وبجامات واغراض العطار وهالخرابيط ماتخرب ولاتضيع

ومفرش نفاسك ..

والبيبي اذا عارفه شنو نوعه ابدي بنص السابع مثلا او اخره ع ماتنزل البضاعه الشتويه ..وترى مو شرط تعرفين نوعه انا بديت وانا مو عارفه شنو قالوا يمكن
بس خذيت اللوان تناسب الاثنين

او ابدي بالمفارش بتحصلين ثقيله .. الرضاعات خرابيط اغراض الصدليه يعني مو شرط اول شي الملابس عشان تكسبين الوقت ..

خلي اخر الثامن الحلويات وتقديمات النفاس ..

والمزانيه للبيبي كلفني اكثر من 1500 تقريبا مع اني ماشريت السرير ولاحد الحين ماجبت اغراض الصدليه حق الترويش


الله يهون عليك وعلي وع الجميع

دعوواتك اولد بالسلامه

واتمنى اكون افدتك