الموضوع دا ظريف جدا بس معظم كلامه صح دى مقارنة بين الامهات اللى لسه جديدة يعنى معاهم طفل واحد
واللى معاهم طفلين والقداما اللى معاهم ثلاث اطفال .. تعالو نشوف
اولا:الملابس
الطفل الاول: تلبس هدوم الحمل من اول لما تعرف انها حامل
الطفل الثاني: تحاول اتلبس هدومها العادية لاطول فترة ممكنة
الطفل الثاني: تحاول اتلبس هدومها العادية لاطول فترة ممكنة
الطفل الثالث: هدوم الحمل هي هدومها العادية اليومية
**************************************
ثانيا:الاعداد للطفل
الطفل الاول: كل دقيقة تغيير للطفل.. وتحاول تخلي ريحته حلوة
الطفل الثاني: كل ثلاث ساعات
الطفل الثالث: لما ريحته تطلع
**************************************
ثالثا:القلق
الطفل الاول: من اول خبطة تجري عليه و تشيله
الطفل الثاني: تشيله لو حست ان خلاص فيه عربية حتخبطه
الطفل الثالث: احسن..علشان تتربي... خلي العربية تدوسك
**************************************
رابعا: الاكل
الطفل الاول: ترمي اى حاجة تقع على الارض
الطفل الثاني: تغسلها بشوية مية
الطفل الثالث: تمسحها فى هدومها
**************************************
خامسا:الفسح
الطفل الاول: الملاهي... المراجيح..النادي
الطفل الثاني: النادي
الطفل الثالث: السوق
**************************************
سادسا:الخروج
الطفل الاول: تسيبه مع اختها و تتصل تطمن عليه كل خمس دقايق
الطفل الثاني: تسيبه مع اختها... و هي على الباب تفتكر تسيب رقم التليفون بتاع المكان اللي هي رايحاه
الطفل الثالث: تسيبه مع اى حد.. مع تحذير بان محدش يتصل بيها الا فى حالة يكون فى الموضوع دم
**************************************
سابعا: فى البيت
الطفل الاول: كل دقيقة تتفرج على ابنها و هو نايم
الطفل الثاني: من وقت للتاني تتاكد ان الكلب ماكلش دراع الولد
الطفل الثالث: تستخبي منهم على قد ما تقدر
**************************************