[.كريستال.]

السلام عليكم اخواتي

حبيت انزل هادا الموضوع عشان اوضح للاخوات الى بيشكو في شغلي بيقولو اني باخد شغل غيري--

اول حاجة اخواتي انا ليا في البزنس دا مايقارب الخمس سنوات
وليا عضوية في اكتر من 4 منتديات ولما زادت عليا الطلبات صرت ما الحق عليها الحمد الله
قررت اني اشغل معايا بنات من معهد الخياطة منها يساعدوني في التشطيبات ومنها نلحق على الطلبات وياخدو خبرة بس التفصيل واختيار الاقمشة بيكون من عندي

وكمان خليت مسؤولة عن المنتديات والايميل تستقبل طلبات الزبونات وتتفق معاهم وكمان تدير مواضيعي في المنتدى وللاسف البنت هادي عن جهالة والله نزلت صور بيجيبوها الزبونات عشان نعملهم زيها وفعلا فصلت لهم اكتر من صورة جابوها الزبونات ومسؤولة الحاسب كانت بتنزل اي صورة بتجيبها الزبونة وعليها التوقيع وانا ماعرفت الموضوع دا الا متاخر والحمدالله تداركت الموضوع واستلمت الحاسب بنفسي لاني كنت مشغولة بتجهيزات المحل التجاري الخاص بمجموعة كريستال لكن صور الطلبيات الى بتنزل في المنتدى كلها شغلي بالتمام

وانا جمعت اخر طلبيات للثلاثة اشهر مضت عشان تشوفي شغلي واخر طلبية سلمتها لعضوة اسمها حلا في المنتدى تقدرو تراسلوها وتتاكدو من كلامي وكيف اتعاملت معاها وكيف شغلنا

الطلبية التانية كبيرة واحاسلمها 8 رمضان جهاز لعروسة ان انتهى على خير انشاءالله

وكمان البنات الى بيقولو سعري غالي قارني مفارشي وشغلي بغيري انا باستخدم خامات اقمشة غالية ومرتبة لانها بتعطي جمال وفخامة في المفارش وكمان الكلف والدانتيل وغير كدا كل الخامات دي بتكلفيني بس بتخرجلي شكل نظيف وفخم انا ما اقدر اعمل بمستوى اقل

هادا بس للتوضيح للبنات الى كانو بيسئلو

اسيبكم تشوفو الصور

الصورة لاخر طلبية مفرش نفاس بسعر 3700 ريال

طلبيات تعليقات الجدران والاسقف والباب السعر حسب الشكل




طلبيات الضيافة واشياء اخرى السعر حسب القطع



ارواب لسابع البيبي تختار الزبونة الموديل واحنا نفصلو
في كتير من الموديلات عندي
الصور من مواقع اجنبية سعر الروب الدانتيل المطرز 600 ريال مع القبعة وسعر الروب التفتة العادي 400 ريال مع القبعة




طلبية جهاز عروسة 34 قطعة بسعر 3400 ريال

طلبية لدبش عروسة 22 قطعة بسعر 2000 ريال



تلبيس مصاحف عقد قران سعر المصحف 30 ريال


هادا شغلي اخواتي وفي المزيد بس هادي عينات فقط

الي تحب تفصل عندنا وتتاكد بنفسها من شغلنا حياها الله

اعطوني رايكم بامانة

اعمالنا
اطقم النفاس كاملة
اطقم الاعراس كاملة (غرفة النوم - الحمام -علب الملابس )
اطقم المواليد
اطقم الضيافة (تلاجة القهوة - صواني تقديم - سبتات ضيافة )
تعليقات غرفة المستشفي او غرفة البيبي وتزين الجدران والباب والسقف
تلبيس اوتجرافات او اي شي في خاطرك



كريستال** شعار المجموعة (ابدعنا فتميزنا )