[ام مراوي]

آللٌہ يبارك فيكن جميعا وعقبالكم بالتساهيل ان شاء آللٌہ وراح ابتدي بقصتي قبل ما اولد بيوم رحت في اليل على البحر انة وزوجي وتمشينا على التراب وكان الجو ماشاء آللٌہ حلو لان على البحر المهم كان ضلام وقررنا نروح ممشى نجلس هناك وروحنا وجلسنا وغيرنا جو وبعدها رجعنا البيت وانة ماحسيت باي شي المهم اليوم الثاني قعدت الساعه تسعه الصباح احس اني ابغى ادخل الحمام آللٌہ يعزكم وتميت على هالحال دايما ابغى الحمام سوى اتبول او ... وانتو عارفين وكان في الم خفيف تحت بطني وتحجر فبطني كلش ماقدر انام مرة ثانيه لاني دايما انام الى صلاة الظهر المهم شكيت ان يكون طلق بس قلت ان الطلق يود الظهر والفخوذ بكريه بس اسمع من البنات قلت خلني اشرب مويه ورد في كوب يمكن يزيد الالم قمت شرب ونفس الشي مازاد ولا شي وتميت على تحجر في بطني في فترات متباعدة يعني مو منتظمه الى صلاة العصر وزوجي كل يراقبني ماقدر كل ابغى ابول كل كم دقيقه ادخل الحمام وبس قالي لازم نروح المستشفى شكلك تعبانة يمكن بتولدي قلت له اي ولادة قالي عالشاني اذا اتحبيني خلينا نروح المستشفى بعدين قلت له اوكي خلني اكل شي قمت جبت تمر ولبن قعدت اكل لين قلت بس وتروشت ورحنا الطوارى قالو في اي شهر قلنا التاسع مارضيو يدخلونا قالو خلها تروح الولادة نخاف تولد علينا قمت اضحك اقول اي ولادة ههههه ورحنا مشي لقسم الولادة وانة من كثر ما احس بالتحجر وكني ابغى ادخل الحمام ماقدر امشي ودخلوني بروحي وقالو لي افسخي ملابسك الداخليه وانة مستغربه اول مرة وجات وحدة بعدها عالشان تفحص حطت ايدها وقالت ماشاء آللٌہ تبارك آللٌہ 7 سم وانة طلعت عيوني برا وقمت من الخوف اصيح ولا سكت ابد قالت لي قولي الحمدلله انتي بكريه وكانت مستغربه اني ماحسيت باي بوادر مثل الم قوي واني بكريه وبس دخلت الساعه ثلاث العصر وولدت الساعه ست المغرب وانة تعذبت في الم الخياط اكثر شي حسيت بلابرة آللٌہ ياجرنا تعذبت فيها ثلاث ساعات جلست اتخيطني شكله الشق كبير مرة وبس الساعه ثمان ودوني الجناح وكانو هلي ينتظروني وبكيت بكى عليهم هههه متاثرة من الولادة يله الحمدلله على كل حال اللي ساعدني اكثر في نزول الراس جلسه القرفصاء والمشي سامحوني ماقلت لكم تفاصيل لانها ماراح تخلص ههههه وعقبالكم يارب آللٌہ يسهل عليكم وتولدون كلكم طبيعي والله يكتب لكم ولادة اليوم قبل بكرى