[العطر الفرنسي]

السلام عليكم ورحمة الله وبركاته ...

أكيد إشتقتولي ومعكم حق تزعلووو مني .. بس بتعرفو مشاغل الدنيا والأطفال بياخدو وقتي ....

الحمدالله صار عندي 3 بنات .(ماشاء الله) .. وبصراحه أخر حمل تعبت كتير كتير .. وكمان من 3 سنين وكل سنه بحمل يعني من يوم متزوجت ..
مابدي أطول عليكم ...

خلاصة الئصه ... أنا ركبت لولب قبل مأخلص ال40 بعد ولادتي عطول ...

وحاليا صارلي أكتر من شهرين ماإجتني الدوره ... (يمكن لأني برضع ) بس المشكله مو هون المشكله أنو عندي ألام كتير بمفاصل جسمي رجلي وركبي وأكيد ظهري طبعا وجع طووول اليوم .. يعني ها هادا شي طبيعي وأتحملو ولا عندي مشكله وجسمي مابيتقبل اللولب..؟؟

هادا غير الإفرازات القويه مع أنو ماعندي إلتهابات .. بس الإفرازات بشكل كتير زياده ... هل هادا الشي طبيعي؟؟


ومن ناحيه تانيه كيف بدي أطمن بأنو اللولب بوضعيه سليمه وأضمن أنو مايصير حمل..؟؟؟

سامحوني طولت عليكم بس بجد هااادا الموضوع شاغل بالي .. ويمكن ألقى بينكم الجوااااااب ... ومشكوووورين ..