نبدأ من البيت: ـــ كم ترتيبك في الاسرة ؟ الثالثه ـــ مكان ولادتك ؟ وماذا يعني لك ؟ الوادمي وش يعني لي امممم ولا شيء ـــ حياة الطفولة من كان المؤثر الاول فيها ؟ ابوي لانه رحيم وعطوف اكثر من امي وامي ماقصرت الله يقدرنا ونرد معروفها ــــ هل كان هناك فرق في المعاملة بين بنت وولد ؟ ايه في فرق وعكس كلامك يادافئه احنا البنت تنكرف حبتين عن الولد ــــ هل كانت هناك غيرة من احد اخوتك ؟ لا ـــ ماهي لعبتك المفضلة في ذلك الوقت ؟ النطيطا >>> كنت اعشقها وابوي كان دايم يوديني عنها لانه يعرفني احبها ومازلت احبها لولا العبايه ولا كان نطيت ــــ ماهي اجمل هدية تلقيتها في صغرك ولم تنسها ؟ دفتر تلوين اظن وابوي وحنانه وتلعبيه لي وتحمله كل مارحنا ملاهي اكبر هديه ـــ لقب او اسم مميز كان يطلق عليك وانت صغير ... امحق اسم مميز كان ينادوني مرطه لاني معصقله ومشاغبه ــــ اكلة كنت تحبها كثيرا ... مافي اكله محدده لكن غزل البنات كنت اموت عليه ــــ طلب كنت تطلبه دائما من اهلك ولم يتحقق لك .... مافي طلب محدد ابوي ماقصر الله يخليه ــــ هل كنت طفل مشاغب ، هادئ ، خجول ، مسالم ، عنيد ، مطيع ؟ كنت مشاغبه ودايم شعري طاير والصور تثبت اخواتي الكبار مصلحات وحلوات وانا بس اشوف شوشه اعاتب امي اقولها وش معنى انا بس كذا قالت اتعب وان امشط لك واسرح شعرك بس شوي وانتي كاشته من جديد ــــ هل تميزت بكلمة كنت ترددها وانت صغير ؟ وماهي ان وجدت ؟ دايم كنت اردد (( شراب الشيطان )) كنت مؤمنه فيه بقوه كنت قبل انام اسويه واقول الحين بنام ومابخاف لان الشيطان بيشربه وبيموت ههههههههههه في الحياة عموما : ــــ ماهو اجمل موقف او ذكرى تتذكرها من ايام الطفولة ؟ من اجمل الذكريات ان كنا نلعب مع جماعتنا وكانو بنت وخمس اولاد ربينا سوا وبلعنا سوا وسافرنا سوا ونعرف عن بعض الصغيره والكبيره ــــ موقف محرج مر عليك في طفولتك ولم تنساه الا الآن ؟ وحده من صديقاتي علمتني كلمه قليله ادب >> الله يسامحها وانا من فهاوتي قلتها لواحد من جماعتنا وجهي طاح وولحين اذكرها واتمنى يكوون نساها ـــــ ماهو اصعب موقف مر عليك في صغرك ؟ لما واحد من جماعتنا فلق راسي بالحجر مرتين ودم وصياح وهو ولا على باله مسوي فيها دور البطل ــــ ماهي افضل واكثر لعبة كنت تلعبها ؟ العرايس ــــ ماهو الشئ الذي ميز طفولتك عن غيرها ؟ اني اعطيت طفولتي حقها ــــ ماهي امنيتك ايام الطفولة ان تصبح ؟ وهل تحققت امنيتك ؟ اني اصير اخصائيه نفسيه وماشوف احد يبكي او مهموم لاني كنت وانا صغيره اشوف كثير بنات يبكون وكانوا كبار كنت ابكي معاهم ماتحمل وماقدر افيدهم واساعدهم :( والحمدلله تحققت نسبيا وبأذن الله مواصله في المدرسة : ـــــ اوصف لنا اول يوم رحت فيه للمدرسة كيف كان !!! ماتذكره بتات البته ــــ مدرس لازال في ذاكرتك (طبعا لانريد كتابة اسماء فقط مدرس اي مادة ) مدرسه العربي مالت عليها وللحين حاقده عليها واعرفها معرفه شخصيه ومنتظره بس اشوفها ابزبد بخشتها الهرج ــــ ماهي المواد الدراسية التي كنت تحبها ؟ مافي ماده مميزه احبها بس يمكن مواد الدين لانه شرحها بسيط ـــ ماهي المواد الدراسية التي كنت تكرهها ؟ ياكثرها العربي التاريخ والجغرافيا الرياضيات والفيزياء والكيمياء ــــ حدد باالضبط مكان جلوسك في الفصل او قاعة الدراسة ؟ الثاني او الثالث ــــ ماهي احب المراحل الدراسية لديك ؟ الثانويه ــــ هل حصلت على شهادات تميز ؟ وفي اي سنة حصلت عليها ؟ في الابتدائيه وفي المتوسط وفي الثانوي في كل مرحله بصمت اسمي ــــ هل تعرضت للعقاب طوال فترة دراستك ؟ لا الحمدلله ــــ اي سنة دراسية تعد هي الاجمل في حياتك الدراسية ؟ ثالث ثانوي كانت من اجمل المراحل ــــ هل مازال لديك اصدقاء من ايام المدرسة ومازلت على تواصل معهم ؟ ايه الحمدلله باقي صديقتي من اول ابتدائي لطوف توني حاضره زواجها الاسبوع اللي فات الله يوفقها _________________ وصديقات الثانوي رغم انهم سافروا لكن النت بيننا وللحين متواصلين والآن : ــــ ماالذي يميز مرحلة الطفولة عن مرحلة الرشد ؟ النضج والعقل بحد ذاته ميزه تفصل بين الاثنين ــــ هل تعتبر مرحلة الطفولة اجمل مرحلة في حياتك ؟ ولماذا ؟ ماعتبرها اجمل مرحله لماذا ؟ لاني ماتميزت مثل باقي اخواني لانهم كانو يتمنون اني اكون ولد وطلعت بنت فكان الاهتمام مو مره ــــ عبث الطفولة كيف تصفه في بضع كلمات ؟ لك حرية التعبير ... حريه التصرف .. لا مبالاه بالعواقب .. ضحك ووناسه ـــ وماهي نظرتك للطفل اليوم ؟ طفل اليوم مدلع بمعنى الكلمه على عكس اللي ربيت عليه من الابتدائي دخلت المطبخ وبدت امي تكرفني ــــ هل ستربي ابناءك بنفس طريقة تربية والديك لك ؟ لا والله يجزاهم اهلي كل خير على تربيتي ويعيني على برهم لكن وضحت مسبقا في سوال مشابه له مو ان اهلي ماعرفوا يربون لكن تربيتهم تفتقر شوي للحنان والرحمه وهاذا اللي انا بضيفه لعيالي ـــــ كلمة توجهها للآباء والامهات في تربية الابناء .... 1- لاتشد الحبل ولا ترخيه 2- الحب والحنان والرحمه لاتحرموا ابنائكم منه 3- لاتفرقون بين عيالكم وتميزونهم عن بعض 4- حاولوا قدر الامكان تكون اجواء تربيتكم لاطفالكم خاليه من المشاكل 5- الضرب المتواصل كلمات الاهانه والتجريح لايكون هاذا اسلوب تربيتكم لان الطفل بيكبر انسان مهزوزه شخصيته انسان خايف . ومتعقد . ويعطيك الف عافيه ياصاحبة الموضوع واشكر الغاليه دافئه على استضافتها واختار اللي بعدي العضوه ( كل الحلى )