[منتظرون عودة الخلافة]

السلام عليكم
دي أول مشاركة ليا في أي منتدي
أنا كنت حامل من أول اسبوع جواز كنت حامل في توأم عرفت بالحمل لما عملت اختبار الحمل المنزلي بعد 35 يوم من اول يوم في اخر دورة و عرفت اني حامل بتوأم بعدها باسبوع بالصدفة و انا بعمل عذر طبي للكلية و اقنعوني اني لازم اتابع مع دكتور فأصريت علي دكتورة بس كانت مش كفء اول زيارةكنت في شهر و نص قالتي في كيس مش شايفة فيه نبض و التاني فيه و اساسا الاول كان مات لأني كنت في يوم قبل ما اروحلها بذلت مجهود و جريت و حسيت زي ماء نزل بس هي شافت الكيس لكنه فاضي قالتلي تعالي بعد 10 ايام رحت قالتلي الكيس اللي كان فيه نبض وقف النبض فيه و قالتلي مكبرش الجنين عن المرة اللي فاتت قلتلها لا كبر المشيمة المرة دي ظهرت و حجمه كبرقالتلي تعالي بعد 10 ايام اهلي قالولي لازم تروحي لدكتور متمكن عن دي بعد محاولات اقناع رحت قالي دول ماتو ليهم 10 ايام و لازم تعملي جراحة تفريغ بكره الصبح و متتأخريش عن كده لأن البرشام مش هينزل كل الحمل و اذا فضلت بقايا حمل في الرحم ممكن لا قدر الله يعمل مشاكل عملتها و كنت اتمني الموت و لا اعملش عمليات المهم عشت ايام صعبة بعد العملية دي خصوصا ان جوزي سافر بعدها بيومين لحد دلوقت و حالتي النفسية صعبة و الحمد لله رب العالمين