اختي قمة البراءة
من عيوني
وياريت بقدر ابعتلك للامارات اطيب كنافة بفلسطين
**
المكونات
شعر كنافة خشنة _ في ناعم وفي خشن والتنين بجوز استخدامهم
بس انا استخدمت الخشنة
2 : سمن نباتي او بلدي
3: جبنة بيضا محلى _ خالية من الملح _ بتكون جاهزة من محل الحلويات خاصة بالكنافة .
4: صبغة لاعطاء الكنافة اللون الاورانج
5: قطر (( سكر , ماء )
6: سميد او طحين
7: ملقعة زغيره ما زهر
الطريقة :
بنقطع شعر الكنافة باليد قطع زغيره وبنسير نفرك فيه مع السمن منيييييييح
بنحضر الحشوة وهي عبارة عن سميد وسكر وحليب ابنخلطهم مع بعض وبنحطهم ع النار لحتى يتماسك الخليط النار ما تكون عاليه ولا هادئة تكون وسط
ولما نطفي الغاز بنحط ملعقة ماء زهر عالخليط ...
بنجيب الصينيه يلي رح نعمل عليها الكنافه وابندهنها بالسمنه _لازم السمنه توصل لجميع الاماكن
بنحط الحشوة على الصينية وبعدها ابنفرد الجبنة المهروسة فوق الحشوة ولازم توصل لجميع الاماكن ويكون سمكها مناسب وبنحطها ع نار هااااادئة وبنضل انلف بالصينية لمدة تلت ساعه تقريبا لحتى ما تتحمر تحت من جهة ومن جهة لا ..
بعدها بنحط شعر الكنافه يلي بنكون حضرنا مسبقا
وبنحط القطر وبنرش الفستق الناعم على الوجه
وبالهناء والشفاء