[دلع سارة]

الله يجزاكم خير على الردود والتفاعل البناء

الله يخليكم لي يا اخواتي ... رحت المستشفى ذاك اليوم بعد تسرب الدم اللي حصل معي

والحمدالله تطمنت انه حملي بخير بعد فحص الهرمون مرة ثانية وشافت انه المعدل سليم
والدم توقف يعني مجرد نزف 4 دقايق وخلاص
بس مو راضية تعطيني مثبتتات تقول مايحتاج دام الحمل والهرمون صحيح
جلست بالبيت وسمعت الكلام وحركتي صارت اقل
الله يصبرني والله توني اعرف انه الحمل كذا ...ماكنت ادري انه لازم نجلس ولا نمشي
بنات حتى السوبرماركت بنده تقولي الدكتورة لا تروحين
يعني المشي فيها محدود ابو نص ساعة معقولة يأثر !!
الحمدالله يارب على كل حال

ارتحت من غسيل الصحون <<< وحده تبي الفكه
المشكلة ماعندي غسالة صحون ولا احب اطلب خدامة أهلي كل مرة ,,,وزوجي بعد عيني مو مقصر معي يرتب ويغسل الصحون ولا يبيني اتحرك بس برضه ما اقدر اجلس كذا بس على النت

تلاقوني اجيب ملابسي بالدولاب وافردهم على الارض وارتب قطعة قطعة
او اجلس عند دروج تسريحتي وارتب الاكسسوارات والكريمات وادوات الشعر
والطبخ مو كل يوم اطبخ حسب المزاج لاني مو شاطرة اصلا

بنات خبروني كيف تجهيزاتكم لرمضان ؟
ياربي كل عام وعام وانتو بخير يا الغاليات