[أم غدوري]

هلا اختي باربي كيوت
انا والده من 4 ايام بس بطلق صناعي وان شاء الله افيدك وطبعا انا بكريه

المشاركة الأصلية كتبت بواسطة باربي كيوت

1|أول مااروح ينوموني بغرفه عاديه وللا غرفة الولاده ؟؟؟؟؟؟؟؟؟

أنا نوموني بغرفه عاديه

2|ايش اول شي يحطونه لي يعني اللي أعرفه انه جل طيب وبعدين ؟؟؟؟؟؟

انا كان الطلق الصناعي تحاميل تلبس قفاز وتحط جل وتحط التحميله في اصبعها وتدخلها داخل عنق الرحم

3|متى يبدأ الطلق الصناعي مفعوله ساعه وللا أكثر وللا أقل؟؟؟؟؟؟؟؟

بالنسبه لي اول تحميله ماعطت مفعول قوي بالنسبه للتخطيط مع ان كنت احس بالتقلصات ماهي خفيفه بس بين التقلصات كان في راحه اول تحميله الساعه 7 المغرب وثاني تحميله كانت الساعه 2 بالليل وكانت بتعطيني تحميله ثالثه بس انفكت موية الجنين 7 الصبح وماقدرت تحطها لي

4|خلال كم من دخلتي للمستشفى راح ؟أولد يعني تقريبا أكثر مده؟؟؟؟؟؟

أنا دخلت التنويم السبت الساعه 12 الظهر ولدت يوم الأحد 4 العصر

5|هل الالم متواصل مثل ماقريت وللا فيه فترة راحه لو خمس دقايق؟؟؟؟؟؟؟؟

يعتبر متواصل بس اذا قربت الولاده خلاص بس بالبدايه فيه فتره راحه

6|هل اكل تمر واشرب موية زمزم قبل ماامشي للمستشفى وللا كيف ؟؟؟

انا اكلت رطب وجلست اقرى ادعية تسهيل الولاده وقريت قرآن وانا في غرفة التنويم واكثر شي يريح التنفس الشهيق والزفير وقت الالم انتبهي تصارخين وقت الالم استغفري وتنفسي

واي معلومه راح تضيفونها زياده على أجوبةالأسئله راح افرح فيها

انا عني بدا الدفع عندي والرحم بس 5 سانتي وكانو يقولون لي لاتدفعين عشان عنق الرحم مايتمزق وكان كل ماجاني الدفع تنفست ومسكت نفسي لين الحمد الله صار 10 سانتي وربي فرجها علي
والحمد الله كلها تساهيل من رب العالمين
الله يرزقك بولاده سهله وميسره