بنات بقولكم ايش صار معايا وانتوا قولولي انا صح ولا غلطت ؟؟
أول شيء داومه 12 ساعة دي الفترة وجاء الساعة 7 الصبح واتصلت عليه اول ماركب السيارة (متعودين على كده )المهم وانا اقوله صباح الخير ومرحبا ومن دا الكلام وجاء البيت وانا نسيت ماشلت المفتاح من على الباب وصار يدق الجرس وماشال يده من عليه وانا كنت قريبة ودخل وهو مكشر انا قولت يمكن عشان وقف على الباب وصرت اقوله صاير شيء في الدوام ؟؟ في شيء ؟؟ وهو مطنش ولا كلمه ولا نظرة ولاشيء انا قلت اخليه احسن واجهز الفطور المهم حطيت الفطور وقلت له أتفضل وهوه جالس يلعب بلوت بالنت وجلست جنبو واسوي مساج لرقبته وظهره وهوه ولا كلمة
خلص لعب اكل الفطور بعدين انا قلت له اذا في شيء أتكلم قالي انتي اذا عندك شيء قولي ورديت عليه انه له في شيء ح اتكلم من غير ماتقولي يقوم يقول شوفي وجهك كيف (اني زعلانة )وانا والله مااصدق متى يجى من الطفش اللي انا فيه وقمت غسلت بدلة العمل ورجعت له قلت له يلا ندخل ننام وفي السرير مسوي زعلان وانسدح بعيد وبعد ربع ساعة انا قربت منه لاني ماابغى ينام وهو زعلان راح بعيد شويه وقلت له خلاص لاتبعد انا ح ارجع مكاني مااسمع الا وهوه يسب فيا وكنت ابكي على السرير وبعدها خرجت من الغرفة وبعد 10د طلع وهوه معصب يقولي ايش فيه واقوله مافي شيء بس ماجاني نوم وسألته وانت؟؟؟ يقوم يقولي انت مالك صلاح انا سكت وهوه رجع ينام وانا دخلت بعدها بدقائق اشوف خاطره وصدني وحسيت ان كرامتي صارت في الارض ورجع طلع من الغرفة وانا وراه وانا اقوله انا كنت مبسوطة في الصبح واوضح له لكن برضو صدني وتركته ورحت الحمام الله يعزكم الا يجيني طاير ويصرخ عليا ويقولي اطلعي من الحمام وانا من جد كنت ابغى الحمام تركتني ورقع الباب بقوة وصرت ابكي اكثر من اول
ولما طلعت رحت جلست معاه في نفس الغرفة وبدأ يقولي ناقصني كمان اوديك واجيبك للشيوخ (عشان بسم الله في الحمام )وانه لو صار ومرضت راح يطلقني قولت له جزاك الله خير ماتقصر
وهوه وقتها صار بس يسبسب وتركته ورحت غرفة النوم وعليها ولا كلمة من 11 الصبح وهوه راح الدوام 7 وانا ماابغى
ارضيه ...وانا عارفة ماراح يراضيني وحيستمر دا الحال 3او 4 ايام مانكلم بعض ولا يأكل .....
معليش طولت واسلوبي ملخبط