[أم إياد]

المشاركة الأصلية كتبت بواسطة om arwa

يارب يأجرك فى مصيبتك ويخلفك خير منها
ويكملك على خير
ربنا يجعلة سبب دخولك الجنة يارب
انا اسفة جدا والله
لا بصراحة الدكتور لازم ياخد بالاحوط شايف طلق يدى الكورتيزون ويعمل اللى عليه ان شاء الله تولدى فى اخر التاسع حتى بس يعمل اللى عليه
انتى قوليلة لان فعلا ايه الفايدة انه يفضل يطمنك وخلاص
بس عشا ن مااظلمهوش ه ممكن يكون شايف الانقبضات بسيطة اوى
وكمان على فكرة المسكن بيوقف الطلق الكاذب بيوقفة خالص
انما لو طلق حقيقى عمرة ما هيقف
انتى ولدتى المرة اللى فاتت بدرى ؟؟؟؟؟؟
لو ولدتى بدرى يبقى لازم كورتيزون دول 4 حقن مش هيضروا بس لو حصل ولادة بدرى لا قدر الله هيخلوا البيبى يتنفس كويس

ماتقوليش كدا ياسما
مافيش داعي للأسف ابدا احنا اخوات ياحبيبتي

والبنسبة لولادتي كانت قبل التاسع مايخلص بيومين
وكانت طبيعي بس متعسسسسرة وقعدت فيها 3ايام,
والولد كان عنده ضيق تنفس وما عيطش على طول الا بعد الولادة بما يقلش عن نص ساعة
وبعد ساعتين بدأ عياط مش طبيعي متواصل لحد تاني يوم وانا طبعا مفكراه جعان وعمالة اعصرله في صدري اجيب نقطتين وبس, ومن كتر العياط ماكانش بيلحق ياخد نفسه وبعدين بدأ يترعش واطرافه ازرقت
فخليت باباه يوديه حضانة مااعرفش ايه التفاصيل اللي حصلت هناك
بس هو قعد فيها يوم ونص حطوله محاليل وطلبوا تحليل crp وبس
وكانت نسبه 11 والنورمال 6
اصلا قبل ماكانت نتيجة التحليل تطلع
كلمونا من المستشفى اللي محجوز في حضانتها وقالولنا نبضه بيقل ومحتاج عناية مركزة
وعلى ماجوزي راح حجز في مستشفى تانية فيها حضانات مجهزة بعناية مركزة في مكان تاني
اتوفى في عربية الاسعاف اللي كانت بتنقله للمستشفى التانية بتاعة العناية المركزة
,, ماكانتش الاسعاف مجهزة بالدرجة الكافية

بسسسسسسس
معظم الدكاترة بعد كده رجحوا ان سبب الوفاة عيب في الولادة لأن وانا باولد الراس طلعت ودخلت تاني مرتين ماما شافتها والدكتور كان مهمل وسايبنا لوحدنا وقافل علينا عيادته

كلها كانت ظروف سيئة وبسبب كده اتعقدت من الدكاترة بصراحة..
وما بقيتش احبهم لذلك باتخانق مع الدكتور اللي انا معاه دلوقتي كل ما اروحله..

آي نعم انا نفسيتي كانت تعبانة ومازالت بس طبعا في الاول والآخر ده قضاء ربنا ولازم ارضى بيه

ودعواتك ربنا يتمم بخير المرة دي واشوفها في حضني بالسلامة تامة الصحة والعافية
والله مش عايزة اكتر من كده