اهلا بنات....كيفكم ان شاءلله الجميع بخير وعافيه...
مشكورين لكل يلي ردو بخصوص الصديد طمنتوني الله يطمنكم....
بالنسبه لجنس الجنين للحين وربي ماعرفت..احس نفذ صبري خلاص ابي اعرف..للحين ماجاء موعدي حق الكشف...
وزوجي رافض يوديني اكشف على حسابنا...
يقول مابغى اعرف جنس الجنين..وحتى يقول ان عرفتي لاتعلميني...
لاني من كثر ماعشمت روحي وعشمته انه بنت....خايف يروح معي ومايطلع اللي في بالي..ويحسب اني راح انصدم وابكي....بس معذور انا حسسته هالشئ....
حبيبة موني..انه شاءلله راح يجي الوقت الي نحكي فيه عن التجهيز...
لان ماحس الان وقته نجهز..انا عني راح ابدا عقب العيد اذا ربي احيانا...
واذا انتي مستعجله..شوفي ياقلبي..انا بولدي الاول..كنت طايره من الفرحة اني بصير ام وصرت امشي واشتري...ووالله عندي اشياء الى الان جديده بالتاغ حقها ماستخدمتها...واللي من 0_3 شهور شبه جدد ...لان النونو بسرعه يكبر ماشاءلله فـ مايحتاج تكثرين...الاشياء اللي مقاسه بالنفاس ..ماراح تدخل فيه بعد النفاس..
البربتوز الداخلي 6 حبات بالكثير...سنتر بوينت خامتهم زينه بس خوذي اللي جاية مشخله لانها ابرد للطفل...رغم ولادتنا راح تكون بالبرد..بس نصيحه لاتشترون اشياء للبرد لكم وللطفل خصوصا بالنفاس لاني انا مجربه النفاس بالبرد راح تكوني طول الوقت بالسرير متدفيه ومتغطيه..والطفل محجور بزاويه بسريرة وممهود وملفوف بمفرش...بس القبعات هي اللي تحتاجينها بالبرد
البجايم الكامله حق مذر كير كيستين يعني 6 قطع..والان مسوي تخفيضات 50 بالميه روحي خوذيلك...
مجموعه الشاور مجموعة جونسن للجسم تجي كامله من سنتر بوينت رغم اني ماتذكر استخدمت من المجموعه غير شامبو والبودره ...اما الزيت والاشياء الثانيه ماذكر استخدمتها. وفيه شركة كويسه برضو للاطفال مجموعتهم زينه..اسمها سيبا ميد..ممكن تكونين لك المجموعه اللي تبين..فوطه ..اسفنجة لمساعده الام على استحمام الطفل..
توضع تحت الطفل على المغسله
واكرر ولادتنا راح تكون بالبرد وكنت اسبح ولدي بالغرفه عند الدفايه تحت طشت امي تغسله وانا اصب عليه المويه..يعني ماضن تحتاجونها...
مجموعه من مذر كير مشط شعر وفرشاه ومقص اضافر نوعين..
وكم قطعه ملابس للنونو تكون فخمه اذا زارك احد...2 يكفي مع تغييرات بسيطه
مع مفرش تقديم يكون فخم...عاد اما من بوتيك يكون ماركة او تفصيل عند مصممات او جاهز اللي تبون...
والاهم شئ مصاصه تكون مشهوره ومتوفره بكل مكان..احذرو اللي تاخذونها من محل غريب او ماركة غريبه..لان الطفل اذا تعود عليها وضاعت منك اواستهلكت...بتموتين وانتي تدورين عليها بالمحلات والصيدليات وماراح تحصلينها...وبيكون الطفل تعود عليها وماراح يبي غيرها...
وسلسله المصاصه...
ورضاعتين قزاز للاشياء الحارة زي الرضعات..و2رضاعات بلاستك للمويه والاشياء البارده..وزمزميه الرضعات شئ يجي للموية المغليه...وشكل اخر للمويه البارده..او يمكن الاستغناء عنها بعلبة مويه ام ريال
وتحصلونها بسنتر بوينت او شيكو او ستار بوكس...
وهذي حق ولدي اخذتهم من ستار بوكس قبل 5 سنوات..
ويتهيألي هذي الاشياء المهمه...حق فترة النفاس واذا تذكرت شئ ثاني لي رجعه ان شاءلله