يسعد صبآحكم ومسائكم .. بكل خير وطاعه
أنا عندي مشكله وحآبه أعرضها عليكم لأني أبي اتخذ قراري خلآل هالشهر
أنا متزوجه صارلي 8 شهور
والحين انا وزوجي متزاعلين وقاعده عند أهلي !!!!
طبعا كل زواج مايخلوو من المشآكل بس زوجي أي مشكله تصير بيننا
ينقلها لأهله وانا يعلم الله محافظه على اسرارنا حتى امي واخواتي ماخبرهم بشيء
وهو أي مشكله يروح يتشكى عند أبوه وامه وأخته
وكمان كان أي مشكله تصير يقولي روحي لمي أغراضك بوديك لأهلك مابيك
ولما ألم أغراضي يرجع ويقول لا خلاص غيرت رايي بسامحك هالمره !!!
وانا أسكت واتحمل وصارله كم مره وهو يكرر الحركه
وطبعا هو يطلع المشاكل من تحت الأرض
مره يقولي ماتعرفين تطبخين ومره يقولي ماتهتمين ببيتك ومنتي قد مسؤولية الزواج
ومره قال لأمه قدامي أنا مابيها من الملكه بس تزوجتها عشان خاطرك انتي وابوي !!
في واحد يقول قدام زوجته هالكلام !!! جرحني أكثر من مره
واذا جيت أسولف معه يقول اسكتي مابغى سوالف حريم واذا ماسولفت يقول
انتي ممله وماتسولفين واذا قلتله وش هالتناقض يقول مافي وحده تقول لزوجها
متناقض .. ومره جيت أسولف معاه وصرت امدح بالمدينه اللي كنت ساكنه فيها
واقوله اش رايك مو حلوه قام فجاه وتنرفز وقال تدرين انك جالسه تسبين أهلي !!
بالله ووش دخل ..!!!!!!! ؟؟؟
وفي آخر مره راح لأهله وقال راح أوديها لأهلها خلاص مابغاها طبعا انا رحت
لميت أغراضي ووداني لأهلي وصار يقولهم هي ماتعرف لشيء
وانا يعلم ربي قد أيش حاولت أرضيه
وتخيلوا انا صارلي كم يوم ببيت أهلي وقبل أمس مرسلي اذا بتبطلين عناد
وتكونين مطيعه لي وتهتمين ببيتك وتتعلمين الطبخ راح أرجعك أنتظر ردك
وانا طنشته واليوم أرسلي ..
وووووحشتيني موووت
أحبك ياقمر حياتي
.... وووش ذا التناقض أحترت مع هالرجال ..؟؟؟؟!!!!
وقال لأبوي برجع اخذها بعد شهر بس لازم تكون متغيره وماتعصاني
ووش رايكم ياجماعه أرجعله واحاول أغيره ولا خلاص أنفصل عنه بعد هالاهانات
أعطوني رايكم يابنات ..
ربي يسعدكم ويفرج همكم وهمي يارب ..