[منار 11]

السلام عليكم
يعطيك العافيه أختي

انا متزوجه من سنتين ولم أحمل وتعالجت في مستشفيين
الأول الدكتورة قالت لي انا التبويض عندي سليم وكان عندي التهاب في الرحم
تعالجت عندها شهرين وتوقفت ورجع عليّ الالتهاب مره ثانيه
رحت مستشفى ثاني سويت فحوصات وقالت لي الدكتورة ان عندي ضعف في التبويض و التهاب مزمن في عنق الرحم تعالجت عندها شهرين ورحت تمرخيت ثلاث ليالي قالت لي الممرخه ان الرحم صاير على جنب جهة اليمين و عندي هواء على البويضات وعطتني تحاميل اعشاب ( المره )
وبعد ما استخدمت المرة ب 7 ايام رجع عندي الالتهاب ونزل مني افرازات صفره وحرقه بالبول و رحت لها الشهر الثاني عشان تمرخني مره ثانيه قالت لي كل شي تمام عندي مافيني شي رحت لها يوم واحد بس
بس انا احين عندي التهاب و الدكتورة تستعمل الكشفيه على المنطقه وهذي الكشفيه تدخل هوا برحمي مو عارفه شنو اسوي اخليها تكشف عليّ ؟
وشنو تنصحيني اسوي عشان اتخلص من الالتهاب عشان احمل
انا احين في اليوم 12من جتني الدورة ...و الدورة عندي منتظمه

المشاركة الأصلية كتبت بواسطة خبيرة تمريخ

عليكم السلام ورحمة الله وبركاته
كثرة المشكلات بهذا الشكل تحتاج اول شي لتشخيص دقيق
اذا صارت مجتمعة التهابات وميل وضعف تبويض فالتمريخ بهذي الحاله
يحتاج لبرنامج صحيح وتشخيص فاهمه تمترخي فيه وتاخذ المشكله وقتها اللازم
وبعد التمريخ تستخدمي العسل المخلوط لتنشيط التبويض وتحاميل للالتهاب
وان شاء الله تجيب نتيجه معك وكل شي بامر الله وحده
ربي يكتب لك السلامة

طيب انا تمرخت مرتين شهرين ورا بعض وصار لي 4 شهور من تمرخت ولا حملت
شمو نصيحتك لي اتمرخ مرة ثانيه مع ان آخر مرة رحت لها قالت كل شيء تمام عندي لأنو قبل اتمرخ اذا جامعت يطلع المني حق زوجي اما احين مايطلع و الدورة آلامها خفت وقلت اول كان ينزل عندي دم واجد ..... اهي تمرخ من 7 سنوات عندها خبرة تقول ..راحت لها مرت اخوي ومرختها وحملت و لمن كبر ولدها تمرخت عندها مره ثانيه وحملت