غير مسجل
بسم الله الرحمن الرحيم
السلام عليكم ورحمة الله وبركاته
أختي الغاليه أعذريني ولكن لجأتلك لأني تعبانه من الحيره اللي أنا فيها ماتتخيلين وش كثر بدخل في الموضوع على طول أنا قبل فتره سويت تلقيح وحصل حمل لمدة شهرين بس توقف نبض الجنين مع أني عملت جاهده على الحفاظ عليه ولكن قدر الله وماشاء فعل والحمد لله على قضائه وقدره
وبعد كذا ماأنفتح الرحم وبعدين نزفت ورحت للطوارئ بمستشفى العسكري وعملت التنظيف بيدها بدون أي تخدير أو أدوات بس تطلع وتدخلوأعذريني على الوصف لكن الألم إلى الآن مانسيته المهم بعد إسبوع من هاللي صار رحت وعملوا تصوير الممرضه تقول باقي فيه أشياء بسيطه والدكتور اللي أحسه مو عارف شي لدرجة أنه سألني ليش رايحه لهم قالي ماأحتاج تنظيف ومع هالشي شاكه أنه باقي مانظف الرحم فحابه أعرف منك لو تقدري تساعديني بأي معلومه تفيدني أولاً في تنظيف الرحم سواءً أعشاب أو ممرخه أو غيره بس ماتضرني
وكمان أبي أعرف متى يصير الحمل بعد الإجهاض او التسقيط او ماأدري وش أسميه
وكمان وش اللي ممكن يساعد على حدوث الحمل ومتى تجي الدوره بعد الإسقاط ومتى تكون أيام التبويض يعني لو فيه جدول أقدر أحسب من خلاله أيام التبويض عندي على حسب موعد الدوره أنا قالي الدكتور أن السبت اللي فات مو أمس مع نزول القطع يعتبر هو أول أيام الدوره و مو عارفه محتاسه وخايفه وقلقانه من وقتها وأكثر شي أنه يكون باقي الرحم مانظف ويسببلي مشاكل أرجع أتعالج منها من أول وجديد
وكمان يهمني الحمل لأنه أنا داخله بالسنه الخامسه بدون أي مولود ولا حمل
امانه ساعديني لو تقدري حتى لو بدعوه وأنتي ساجده أو ذكرتيني بس لاتبخلي عليه بأي معلومه تريحني ارجوك ودعواتك لي
بعد كل اللي سبق أتمنى من كل قلبي تنالي وتحصلي اللي تتمنيه في حياتك
والله لايحرمك رضاه ورضا والدينك
وأعذريني ياإداره لأني والله مو عارفه وين أحط إستفساري