السلام عليكم يابنات عاملين ايه؟ يارب تكونوا بخير
انا بصراحة عايزة مساعدتكم لاني بكرية ومتغربة ومش عارفة اماكن كتير في الخبر فاياريت تساعدوني...انا بجهز ملابس ليا للولادة وما بعد الولادة ان شاء الله يعني تكون واسعة لاني بقيت دبدوبة هههه ومفتوحة من فوق للرضاعة ..دوخت بالمحلات مالقيت مقاسات كبيرة...فاقلت مفيش غير اخواتي الحلوين الحوامل هما اللي هايقولولي الخبر اليقين..عايزة اعرف:
1- اسماء المحلات اللي فيها جلابيات مقاسات كبيرة وشيك لان ولادتي ان شاء الله هاتكون عند اهل جوزي فاعايزة حاجة شيك وتناسب سني يعني مش تخليني كبيرة في السن طبعا فاهميني؟
2- عايزة اعرف ايهما افضل في ملابس وتجهيزات المواليد سنتر طابا ام محل سربال من حيث الجودة والخامة والاشكال والالوان ومش مشكلة السعر بس اهم حاجة الخامة تكون حلوة وتنفع علي جلد البيبي؟
ضروري يابنات تردوا عليا بالله عليكو لاني محتاسة جدااااا وجوزي بيتريق عليا لاني مش عارفة حاجة فا عايزاكم ترفعوا راسي الله يخليكوا
عارفة طولت عليكو بس ماليش بعد ربنا سبحانة وتعالي غيركوا تساعدوني وتفيدوني...ربنا يسهل ولادتنا جميعا ويقومنا بالسلامة ان شاء الله